Oor My

Marinda EngelbrechtMy naam is Marinda Engelbrecht en ek het groot geword op ‘n plaas net buite Durbanville. Ek vertel altyd vir mense dat ek kon botter karring voordat ek kon lees.  My grootwordjare was sorgvry. Dit was jare van buite speel tot jy saans omval van moegheid.

Die koolstoof in ons huis was ‘n sentrale punt.  Voor haar het ons saans in die winter in die sinkbad gebad.  My ma het ons frokkies en nagklere oor haar deurtjies gehang om warm te word.  Ons het voor die koolstoof botter gekarring met die rooikopkarring.  Ons kinderogies het geblink as die geelgoud boontoe kom uit die melk. Dit was beloning genoeg.

Ek kom uit ‘n gesin waar kos meer is as net iets was wat jy geëet het.  Kos was vir troos, vir gesels, vir debateer,vir feesvier en sommer net vir lekker ook.  My ma het gekook met dit wat beskikbaar was.  Konfyt was volgens die seisoen gemaak.  Ek onthou die groot, blink potte met konfyt wat borrel.  Hoe my ma die skuim afskep en dan uiteindelik dit bottel in die kênfruitbottels. Dit was ons rykdom. Blink bottels op die kombuiskas.

My liefde vir kook, wil ek graag deel.  Dit is geen fênsie kookblog nie.  Dis sommer net ‘n eenvoudige kookblog sodat my kinders en hulle vriende en hulle vriende se vriende kan leer kook. Sodat hulle my nie so baie hoef te bel om te hoor : hoe maak mens…

Ek hoop my liefde vir sielskos sal vir jou ook help om sommer net lekker te kook.

Groete,
Marinda

28 Replies to “Oor My”

  1. Ek is nie eens amper n kok nie,maar hou van lekker kosmaak. Ek sal gereeld hier inloer.

    • Monica, so is ek maar in die beginstadium en is afhanklik van my vriendinne om die blog te besoek. Besig om beertjie te brei. x

    • Stuur vir my van jou staatmakerresepte en dan wwil ek dit onder jou naam plaas. groetnis Marinda

    • IDA, Dis sommer huiskos. My kinders en vriende bel so gereeld dat ek besluit het om dit wyer te deel. Wil nog in julle wereld kom kuier. Mooi dag vriendin.

  2. Thank you for being you…you’ve made such difference in our lives. Looking forward to baking my KersKoek later this week

  3. Ek kan eintlik nie eers gewone kos maak nie….dis juis hoekom ek jou skrywe kan geniet en waardeer :-)

    • Mariandl, glo my jy sal my resepte kan volg. Ek maak gewone kos met goed wat in almal se huise is. As jy vashaak of n resep soek, vra my en ek sal kyk of ek jou kan help. Ek kyk gewoonlik vroeg soggens op die rekenaar en laat saans. So vra en ek help. Glo my jy sal kan kook.

  4. Hi,
    Ek’s nog bietjie nuut met die fb blad, maar geniet jou resepte! Dis sulke “gewone” lekker kos! Ek’s nie niemand wat hou van al die moderne maniere nie.. Ek soek asb bietjie raad. Moet dinsdag aand vark skenkels maak vir aand ete. My ouers en broer kuier by ons.. Ek weet nie hoe nie? Kan jy asb help?
    Liefies

    • Corne, n lekker stukkie vark bly lekker. In ‘n pan smoor een ui met ‘n bietjie olyfolie. Braai ook jou skenkels bruin in dieselfde pan. Jy kan dit verder bo- op die stoof gaarmaak, maar dis vir my te veel moeite en jy moet gedurig kyk of dit nie brand nie. So ek beveel aan dat jy dit binne die oond by 190 grade Celsius gaarmaak. Sny in ‘n casserole/ oondpan 2 uie. Plaas jou skenkels bo-op die uie. Sout en peper dit lekker. Sit 4 naeltjies in die bak asook 500ml appelsap of Savannabier. As jy sage blaartjies het kan jy dit ook insit en sommer n heel knol knoffelhuisies (moet hul nie afskil nie, want as hul gaar is druk dit uit soos murg). Maak die bak nou toe en bak in die oond vir 1 uur. Daarna pak jy klein aartappeltjies en uitjies om die vleis. Kyk of daar nog genoeg vloeistof in jou bak is, as dit te min lyk kan jy dit aanvul met water. Bak dit nou oop sonder deksel vir nog ‘n uur. As jy die sous wil verdik na die tyd kan jy dit doen. Haal die vleis uit en sit in ‘n mooi opskepbak. In ‘n koffiebeker meng 5 ml mazina in kouewater dat dit soos pap lyk. Roer dit daarna in jou vleissous en kook tot dik. Dit smaak heerlik. Die appel gee n lekker geur. Voorspoed en stuur ‘n foto!

  5. Hi… Marinda
    Baie geluk met die website , ek is seker wors en eiers gaan nie meer dieselfde wees as ek na jou resepte loer nie. Groete vir almal in die Kaap , hoop om julle in Desember te sien…
    Jou sus (JHB)

    • Hello julle almal, die site is vir die wat nie kan kook nie. Vra gerus as jul wil weet hoe om iets te maak. Tonne liefde. Lollie

  6. Marinda, ek was en is nog altyd net so lief vir kook. Met die lees van jou storie oor hoe jy groot geword het is ek weer weggevoer na my kinderdae.Ek het min of meer dieselfde groot geword.in die Oos Vrystaat. Van kleins af botter gekarring met die karring met die rooi knop. Dan ook ingesuur met aartappel suurdeeg om dan die volgende dag die brood teknie. Die koolstoof met die kaiings wat uitbraai. Vrugte inle en konfyt kook. Die samesyn in die kombuis en voor die kospotte het so blywende indruk op my gelaat en kon ek dit oordra aan my 3 dogters wat dit net so geniet! Ek het leers vol resepte en is gedurig besig om teeksperrimenteer. Ek sal beslis van jou resepte beproef. Jy het so “funky” gelyk op Kokkedore. Ek dink die kookprogram was van hoogstaande kwaliteit!

    • Charon, jy gee my darem nou groot heimwee. Ja, dis ‘n era wat vir altyd verlore is. Ons was so geseend om dit te kon meemaak. Ek onthou hoe ons altyd in die sinkbad voor die koolstoof gesit het. Wonderlike tye. Geniet jou naweek en laat van jou hoor. Groete Marinda

    • HI daar. Het toe na my epos na jou resepte gaan kyk. Baie dankie vir die moeite. Groete Niekie

  7. baie baie oulike blogg marinda! baie geluk. En die resepte en foto’s van die kos lyk en klink yummy! Groete, Johan

    • Johan, ek is bly as jy van dit hou. Dis sommer huiskos en kos wat jy ook kan maak. Marinda

  8. Weet jy hoe mal is ek oor jou website?!?! Uiteindelik vind ek iemand wie se kop soos myne werk — en dít in prentjies!! Jy is ‘n superster en ek geniet my gate uit by jou!! Dankie dankie dankie vir hierdie wonderlike avontuur. Ek verlang so na my oorlede Ma en Ouma’s, en wat ‘n asemrowende troos vind ek nie hier by jou nie. Jou stories, jou foto’s…..bring die mooiste herinneringe terug. Dis SO LEKKER!! ‘n Groot vet drukkie vir jou Marinda <3 xx

  9. Marinda, ek is so bly ek het op jou website afgekom. Dis mos hoe ek van ‘n site hou, die uitleg is eenvoudig en op-die-man-af, nie ‘n spul ander twak tussenin en advertensies wat oral opspring nie.
    Ek hou van die idee om geregte wat op die huidige seisoen betrekking het voorrang te gee.
    Ek het ook op ‘n plaas in die Suid-Kaap grootgeword en jou opmerkings oor wat alles voor die koolstoof plaasgevind het, bring aangename herinneringe mee. Ons het ‘n baie groot President stoof gehad wat feitlik van muur tot muur gestrek het en voor daai stoof het baie dinge afgespeel. My ma het selfs in die koue wintermaande haar dagoud-kuikens daar gesit om te keer dat hulle nie verkluim nie. Ek kon ure voor die kas, waarin hulle was, sit en kyk hoe hulle eet, drink en manewales uithaal. Ek onthou altyd die oorverdowende protes wat uit hul keeltjies gekom het wanneer ons die lig afgesit het en dit tyd was om bed toe te gaan.
    Ek geniet jou resepte, want die bestandele is die basiese goed wat feitlik altyd in die kombuis te vinde is, nie uitheemse goed waarvoor jy erens in die Himalayas moet gaan soek nie.
    Sterkte met jou blad, ek het dit onmiddellik ge-“bookmark”.

    Pieter

    • Pieter, dit het maar begin deurdat ek die kinders wou help. Die res is geskiedenis. Ek is dankbaar as die blad vir jou maklik en lekker is.

      Groete
      marinda

  10. Hallo Marinda,
    baie dankie vir die kerriehoenderresep! Dit was sooooo lekker. Ek was so bikkie verlee, wat om mit daai hoender te maak. Ek het van my laaste 20 kuikens nege hane. Die Windhoekers vra al lang, ek moet plaashoenders an hulle verkoop. Toe slag die eerste twee. Hulle is ok – vir plaashoenders – maar nie die klein vet bolletjies wat dorpenaars ken. Een het also as Marinda se kerriehoender geendig, een slaap in die diepvries vir plathoender op die braai, sekerlik sal twee ragout fin word, maar wat von die fyf anders?
    Hulle is nou al vier maande oud, baie lekker smaak, maar nie meer so baba nie. Watter wonderlike resepte het jy vir hulle?
    Dankie
    Inge
    Nog ietsie, verskoen asb. skryffoute. Ek is duits en leer nog……….

    • Liewe Inge

      Daar is geen fout met jou spelling nie. Hoe wens ek dat ek daar naby is om van die wonderlike hoenders in die hande te kry.

      Gaan bietjie kyk vir nuwe resepte vir hulle.
      Groetnis
      Marinda

  11. Gaan vandag jou papresep probeer.
    Het op my oudag (70 +) na vreeslike gesukkel weer ‘n koolstoof (wat ek met afval hout onder sinkafdak op ‘n dorpserf stook) in die hande gekry. Vir my ‘n regte Jewel ! Met groot nostalgie die sinkbadjie voor die stoof (destyds swart Wecome Dover) herleef.
    Kinders en kleinkinders nie baie be-indruk. Dink seker oupa word kens.
    Seënwense vir jou. Dankie vir die bly maak van ‘n ou man.

    • Middag, sjoe nou vat jy my ver terug. Geniet daardie stoof en dink aan my as jy op hom kook.
      Groetnis
      marinda