Ek het met bobotie groot geword. My ma het dit vir ons bedien met ertjies en geelrys. Gewoonlik was daar gestoofde vrugte as bykos bedien. Die resep wat ek vandag gee, is die basiese resep. Daar is verskeie kinkels om dit nog meer intressant te maak . Ek sal dit ook bysit onderaan die resep.
Bobotie vir ete
Course: Hoofgereg, RooivleisPrep time
30
minutesCooking time
40
minutesBestanddele
2 uie fyn gesny
15 ml olie om die uie in te braai
2 snye brood
100 ml melk
sout en peper na smaak
80 ml appelkooskonfyt
40 ml kerriepoeier
15 ml borrie
5 ml fyn komyn (as jy het, anders los jy dit uit)
30 ml asyn
3 suurlemoen of lourierblare
1kg bees maalvleis
- Bolaag
1 eier
Geklits in 60 ml melk
Metode
- Sit die brood in ‘n diep bord en gooi die 100 ml melk oor die brood.
- Braai die uie tot glaserig in ‘n bietjie olie bo-op die stoof.
- Gooi al die res van die bestandele in ‘n mengbak en meng deeglik deur.
- Druk die melk uit die brood en meng saam met jou uie by die vleismengsel.
- Skep dit in ‘n gesmeerde oondbak.
- Meng jou bolaag (1 geklitste eier en die 60 ml melk) en gooi dit oor jou vleis in die oondbak.
- Sit die suurlemoenblare bo-op alles.
- Bak vir 60 minute by 190 grade celsius.
Notas
- Wat kan jy ekstra doen: Jy kan 125 ml rosyne of gesnipperde appelkosies by jou vleismengsel inmeng.
- Jy kan amandelsplinters bo-op jou vleismengsel sit.
- Jy kan tertappels fyndruk en dit heel bo op die vleis sit. Dan bo-op die appels kan jy 125ml gerasperdekaas en 200ml meel krummel en dit bo-op sit.
- Geniet jou bobotie met rys en groente. Altyd ‘n wenner en jy kan heelwat mense kosgee met dit.
Nou ja, ekt gedink vanaand maak ek net die doodgewone een en dan gaan ek genoeg maalvleis koop sodat ek elke keer een van die kombinasies kan probeer. Thanks tannie Marinda, ek hou tannie op hoogte van die huismense se kommentaar.
Sussa, ek wag om te hoor.
Sonja , maak dit en laat weet.
Sonja, dit is 1kg maalvleis. Het na die tyd agtergekom (danksy mense soos jy) dat ek dit nie ingesit het nie! Dis nou op. Lekker kook. Marinda
Wil weet die hoeveelheid van maalvleis sien nie by bestanddele.
Hannali, kan jy glo dat ek die belangrikste bestandeel uitlaat op die blog! Nou ja, dis 1kg maalvleis. Het dit opgesit. Mooi dag en lekker kook. Marinda
More Marinda, kan jy groot asb vir my jou Bobotie resep email na tersia@moorddrift.co.za
Middag, loer op die blad daar is ‘n bobotie resep. Lekker eet.
Jou resep klink baie lekker- ek gaan dit sommer vanaand vir ons gesin maak; saam met lekker geelrys en rosyntjies en pampoen.
Marius, dis maklik en vinnig met min skottelgoed! Geniet dit. Marinda
Word die maalvleis eers gebraai?
Nie gebraai nie. As dit klaar gebak het is die vleis lekker sappig
Word die vleis nie vooraf gebraai nie, net so rou in bak voor dit oondtoe gaan?
Net so rou. As dit gaar word in die oond is die vleis nie so droog nie.
Kan dit gevries word. Indien wel, maak jy dit gaar en varies Dan?
Maak dit gaar en vries dan. Moet nie die eierlagie opsit as jy dit vries nie. Sit dit op as jy dit bak.
Dankie vir die resep ek soek nou nie eers meer op enige blad iets om te maak nie. Die manier waarop jy dit uiteensit is fantasties Baie dankie
Jy maak my hart sing. Geniet
Het elke rpisode probeer om diecresep af te skryf sal baie graag diecresepte wil maak lyk rerig so maklik
Daar is nou ‘n resepteboek: Maklik met Marinda
Gaan like ook my fb Marindakook. Ek sit gedurig nuwe resepte op
Waar kan ek Maklik met Marinda koop
Hi. op die oomblik is die boek uit druk. Gewoonlik by die supermarkte.
Groete
Marinda
Hallo Marinda… Ek wil net weet hoeveel porsies maak hierdie bobotie resep asb?
Petro, ‘n gesin van 6 sal lekker eet van die bobotie.
Dit klink heerlik. Dankie Marinda. Ek gaan dit verseker probeer🌺
Dit is dieplekker
Ek maak hom vanaand. Lekker maklik. Kan nie wag om te proe.
More more, hoop jou bobotie het lekker gekom. Ek vind deur die vleis rou in die bak te sit maak dat die bobotie sappiger is.
Laat weet hoe dit gesmaak het.
Groete
Marinda
Waar kan ek jou kookboek Maklik met Marinda koop. Ek het op Takealot gekyk asook Spar en Pick en Pay in Uitenhage en CNA ook. Kry nerens die boek nie.
Groete
LINDA COLESKR
UITENHAGE
Hi Linda
Ek kan vir jou ‘n boek koerier van Pep tot Pep
Stuur vir my ‘n epos na
marindakook@gmail.com
R90 ‘n boek
R60 koerierkoste
Marinda, ek hou van jou manier van kook.
Jou resepte is vinnig en maklik. Ek maak môre aand jou Bobotie.
Mooi aand.
So bly jy geniet die resepte. Laat weet hoe die bobotie gesmaak het.
Marinda
Die bobotie was heerlik. Dit was nou regtig vinnig en maklik gewees.
My hart sing.
Het baie oud geword voor ek Bobotie probeer maak het en as ek geweet het dis so maklik het ek dit al lankal probeer!
Dankie vir die no nonsense resep!!!
Ek is so so bly. Geniet elke happie
groete
Marinda
Ek’t die al tweekeer gemaak, almal is baie beïndruk dat ‘n man so lekker bobotie kan maak en dis nou deel van my arsenaal. Dankie vir die lekker resep!
Net liefde. Bobotie is my gunsteling kos.
Marinda kan jy my asb help met jou Bobotie mince bolletjies met die room sous oor en klapper bo oor gestrooi. Wil graag vir my familie dit maak! Dit was omtrent 3 episodes terug.
Baie dki.
Groete Lidia
Hi. Ek wil ook graag verneem of ek die boek kan bestel. Wat kos dit jou saam die courier kostes?
Goeie middag
Die kinderkookboek: Marinda se Kinderkombuis met Sjef Sout en Prof Pretzel
Volwasse boek: Marinda se Koskas
Die prys is R250 per boek
Koerier koste: As ek dit vir jou stuur van ’n Pep Stores na jou naaste Pep Stores werk dit R60 vir die sakkie waarin ek dit sit in sowel as die koste om dit by jou Pep te kry. Jy kan tot 10 boeke in een pakkie sit.
Postnet vra R100 om dit na jou naaste Postnet te stuur.
As jy wil kan ek ’n naam en boodskap voorin skryf. Ek hoop dit help
Groete
Marinda
Dankie Marinda vir die lekker resep. Die familie gaan die meermaal kry as ek die dag moet koop. Ek maak dit van wildsvleis, maar die res is dieselfde as jou resep.
Ek moet dit probeer met wildsvleis. Dit kan net lekker wees.
Maak vanaand vir die eerste keer bobotie 🌸 die resep was vinnig om te maak 🌼
Lekker eet.
Dankie vir hierdie lekker resep. Ek het dit met vark mince gemaak (al wat ek gehad het), en dit was fantasties!
Ek gaan dit beslis ook probeer.
Liefste Marinda
Ek en my 2 sussies het n girls naweek sonder die manne gehad, en ek soek toe n bobotie resep. Min geweet dat hierdie resep van jou, ons familie resep vir die toekoms sal wees. Dis was heerlik. Dankie ook al die raad hier op die blad 🙏🏻
My hart sing!
Ek maak dit gereeld in die baie lekker. Dankie dat jy dit gedeel het.
Groete
Bobotie is my gunsteling kos.