My ma het altyd vir ons die pampoenpoffertjies uit Wenresepte gemaak. Dit was asof jy poeding en kos gelyk mag eet. My ma is nou al geruime tyd oorlede en ek verlang vandag na haar. So hierdie poffertjies maak ek ter ere van my ma, Sarietha Uys. Dis djeeeeeeeerlik.
Pampoenpoffertjies – wat die sous opsuig
Course: Bykosse, GroentePrep time
30
minutesCooking time
40
minutesBestanddele
- Poffertjiebeslag
750 ml gaar fyn pampoen
2 eiers
5 ml sout
500 ml bruismeel
15 ml bakpoeier
500 ml olie om die poffertjies in te braai
- Stroop
500 ml suiker
250 ml water
125 ml melk
30 ml botter
sout
10 ml mielieblom/ mazina
Metode
- Klop die gaar fyngedrukte pampoen, eiers en sout saam.
- Meng die bakpoeier en bruismeel by.
- Verhit die olie in n pan en skep lepels vol van die beslag in die warm olie.
- Draai om as dit bruin is en dreineer op kombuispapier in n bak.
- Hou dit warm.
- Maak nou die sous. Ek het my sous in die mikrogolf gemaak, jy kan dit in n pot op die stoof ook maak.
- Mikrogolf die suiker, melk , water en botter vir 5 minute. Roer dit totdat die suiker opgelos is.
- Meng die mielieblom met n klein bietjie water totdat dit glad is.
- Roer dit by die suikermengsel en mikrogolf vir nog 2 minute.
- Gooi die warm stroop oor die warm poffertjies.
Notas
- Dis een van die lekkeste geregte wat ooit opgeteken is in ons kosgeskiedenis. Jy mag alleen die hele bak sit en opeet…
Halo! Hoeveel poffertjies kry jy uit die beslag? Dit lyk vrek lekker!!
Jy kry nogals baie uit. Genoeg dat 8 mense ruim kan eet. Nog nooit getel nie. Laat my weet as jy hulle maak. Dis heerlik.
Maritza, ruim vir 8 mense as bykos. Dis heerlik.
Groete
Marinda
Ek gan vandag die resep probeer. Iets anders. Bja dankie
Baie dankie vir die lekker pampoen poffertjies.
Geniet. Bly ‘n groot lekkerte.
Ek gaan so deur al tannie se resepte, baie dankie vir elke liewe resep en raad. Baie mense is geheimsinnig en wil nie n resep deel nie. Ek voel as iets lekker is deel dit met ander, want die dag as jy nie meer daar is nie, sal niemand ooit weet hoe jy dit gemaak het nie. Weereens baie dankie vir tannie.
Groete Elsebe
Dit is so lekker om te deel en te weet almal eet lekker saam.
Lyk soo lekker.
Ek het 28 (roomys skeppie grootte) uit die resep gekry.
Dit bly heerlik. Geniet elke happie.
Suretha , ek sal dit sonder sous vries. Dis heerlik. Het dit gisteraand gemaak.
Geniet
Marinda
Thxs for this awsome recipe have made it quiet a few times for a family rhat does not like pumpkin I have had no left overs they love it.xxx
This is good news Beverley. Enjoy!
Regards
Marinda
Marinda die pampoenpoeffertjies lyk heerlik. Kan ek dit al die oggend maak en die aand net weer warm maak? Sal dit nie uitdroog nie?
Elize, jammer ek antwoord nou eers. Was vir so 14 dae weg van my huis af. Jy kan dit beslis n dag voor die tyd maak. Die sous keer dat dit nie uitdroog nie. Jy kan self die sous apart hou en eers die dag van bediening oorgooi.
Mooi dag
Marinda
Vries die poffertjies goed? En dan met of sonder sous?
Vries goed. Sonder sous.
Heerlike resepte. Het toevallig op dit afgekom en dit begin maak. Heerlik.
Geniet!
Geniet elke happie.
Wow! Lank op soek na so resep! Lyk baie lekker!
Dieplekker
Goeie naand Marinda. Die resep is altyd ‘n wenner, veral by ons Kersmaaltyd. Hoekal nou besig om te maak saam met my ma, wat by ons kuier vir die vakansie.
My hart sing.
Hi jy se bruismeel “self raising flour” ???
En jy sit bakpoeier in?
Jammer ek bak nie regtig nie so is ernstig dom met die goed…
Baie dankie vir resep
Ek het dit vir kersete gemaak sonder bruismeel – maar het “All purpose flour” gebruik – dit was heerlik.
Jy maak my hart sing.
Al die resepte lyk so lekker en vinnig. Baie dankie gaan dit beslis maak
Ek hoop jy kook en eet lekker saam met ons.
Dankie vir die lekker resep.
Geniet!
Marinda
Dankie, My kinders is mal daoor
So bly!!!!!!
Ek wil dit vandag probeer mar wil ook graag weet bruismeel en dan nog 15ml bakpoeier ook is die resep reg so of is dit n dom vraag.
Dit is reg so.
Baie dankie vir jou heerlikkke resepte xx
Geniet. Dis. net liefde
HI MARINDA
JONG EK HET VANDAG JOU PAMPOENPOFFERTJIES GEMAAK.
DIT HET BAIE MOOI GEKOM.
DAAR KOM NOGAL BAIE UIT SO N BESLAG.
DIT PROE FANTASTIES.
LIPLEKKER LEKKER.
WIL NET WEET MOET HY BAIE POF WEES OF NIE EINTLIK
Dit moet lekker vet uitpof
Mooi voluit pof
Hi Marinda
Wil jou pampoenpoffertjie resep probeer.Hoeveel gram rou pampoen sal vir my 750ml gaar pampoen gee.
Baie Dankie
Dit is twee en ‘n half koppies. Ek is nie nou naby ‘n skaal om te weeg nie.
m
Hihi. Wil net hoor watse pampoen werk die beste?
Enige pampoen werk. Ek gebruik graag die wit boerpampoen.
Dis die beste pampoenkoekie resep ooit en baie maklik
Ek is so so bly.
Die poffertjies is heerlik. Mense het altyd mal gegaan oor pampoenkoekies maar ek nooit mal daaroor nie. Hierdie poffertjies het my oortuig n pampoen poffer van jou Marinda is die wenner. Dis so lekker lig heerlik. Pampoen koekies is te kluitjie vir my
Hierdie resep gaan nou my vashaak wees as ek gaste wil impress. Dankie Marinda
Jy kan dit selfs vries sonder die sous. Maak net die sous op die dag wat jy dit ontdooi en warm maak.
Ek het die pampoen poffertjes baie gebak en dit is soos jy se jy kan die hele klomp self opeet. Ek het die sous op die stoof gemaak. Ek het die suiker en botter biertje gebraakt op die stoof tot karamel kleur gooi dan melkbietjie vir bietjie by roer aanhoudend tot tamaletjie opgelos is voeg nou een theelepel karamel essens by. Vrek lekker. Die tydskrif SARIE het in 1992 N vetkoek kompetiesie gehad en ek het dit gewen. Vetkoek met vol struis nek vulsel.
My nooiensvan was ook Uys. Stuur jou resep asseblief dan gaan ek dit ook maak.
Pampoenpoffers bly ‘n groot lekkerte.
Nog iets saam met n heerlijke hoender pastei is die pampoenpoffertjies n treffer.
Bly my gesin se gunsteling
Ek het vandag hierdie heerlike resep gemaak. Uit die boonste rakke! Het presies 28 roomysskepper porsies uitgekry. Ek het die sous net halveer en dit was ook genoeg.
Baie dankie, dis heerlik!
Hallo Marinda,
Baie dankie vir die resep. Bly lekker! Ek wil net graag by jou hoor – kan ek die beslag in die 24 holte muffin pannetjie bak ipv in die olie braai? Indien wel, hoe maak ek dan met die stroop, gooi ek dit dadelik oor en laat staan en warm weer op indien ek dit eers die volgende dag benodig of kan ek dit ook net warm maak en die warm sous dan oorgooi net voor opdiening? Dink jy die sous sal net so lekker intrek soos wanneer dit in die olie gebraai is?
Hoor graag jou mening oor dit. Groete, Tania.
Jy kan dit beslis so bak. Ek is seker dit sal net so lekker intrek. Druk sommer met ‘n vurk ‘n paar gaatjies in die poffertjies. Indien jy dit die volgende dag gaan eet, maak alles warm en gooi oor.
EPOS ADRES – DIE EPOS VAN marindakook@gmail.com. is nie in werking. Alle epos gaan nie deur!
Hi Lorraine dit is my epos en ek kry daagliks eposse.
marindakook@gmail.com