Ek was gelukkig om die perskes net buite Robertson by n wonderlike padstal te kon koop. Hulle het nog hul pitte in – so dit is nie uitgeput nie!
Wat ek met die perskes doen kan jy met enige gedroogde vrugte doen. Dis heerlik saam met vleis , in die oggend net so of met jou muesli of as nagereg met vla. Gesond en goed vir die maag!
Daar is eintlik nie ‘n resep nie maar net in ‘n potjie gooi.
- 6 koppies vrugte
- 3 koppies water ( moet vrugte drie kwart bedek)
- 1 koppie suiker ( jy kan besluit hoe soet jy dit wil he)
- 2 stukkies pypkaneel
NOU
- gooi die water en suiker in ‘n pot bo-op die stoof. Kook dit oor matige hitte todat die suiker opgelos is.
- sit nou die vrugte en pypkaneel in die suikerstroop en sit die deksel op
- kook totdat die vrugte sag maar nie pap is nie ( min of meer 20 minute, dit hang af van die vrugte wat jy gebruik)
Eet dit koud of warm. Dis ‘n bykos by n ete, vroeg- oggend ontbyt of nagereg met vla. Dit bly lekker en gesond. Dit hou vir lank in die yskas in ‘n houer.
om op jou voorstoep te sit met so n bak geel perskes in die stilte van die laatmiddag met jou geliefde en elkeen n vurk is om die plesier van menswees en die lewe te verstaan
Nou praat jy.
Marinda kan jy asb aandui vir hoeveel persone jou resepte bedoel is. Baie dankie
Gerda, bedoel vir ‘n gesin 4-6. Hang af hoe groot eters julle is
Hi Marinda ek gemaalde droë perskes en gedroogtepere as geskenk gekry nou wil ek weer of ek dit kan vries. Baie dankie
Jy kan dit met groot sukses vries.
Hallo Marinda
Ons het altyd die gedroogte perskes met die pit vruggies genoem toe ons kinders was Waar kan ek van dit kry
Marina, ek wens ek het geweet. As jy erens kry sal jy my laat weet asseblief.