Ek het die resep by my suster Jeanine du Preez gekry. Ek het amper myself disnis geëet aan dié lekkerte.
Grondboontjiebotterblokkies
Course: NageregPrep time
30
minutesCooking time
40
minutesBestanddele
400 g grondboontjiebotter (kan crunchy of glad wees)
2 x 150g Milkybar sjokolade grof gebreek
120 g / 125 ml botter
4 x 250 ml klein pienk en wit marshmellows
Ekstra marshmellows vir bo-op sit
Dan het ek ook Chuckles bo-op gesit
Metode
- Sit bakpapier in ‘n bak en spuit met Spray and Cook
- Smelt die grondboontjiebotter, sjokolade en botter in ‘n pot op die stoof of in die mikrogolf. Laat dit effens afkoel. Roer met ‘n houtlepel gereeld.
- Roer die marshmellows by die grondboontjiemengsel.
- Krap die mengsel uit op die bakpapier en maak glad. Sprinkel die orige marshmellows en Chuckels oor. Druk dit effens vas.
- Sit dit in die yskas oornag of vir ten minste 2 uur.
- Sny dit in blokke.
Notas
- Jy kan kersies, neute, gedroogde vrugte ens. insit.
- As jy dit maklik wil sny, druk die punt van die mes in kookwater.
Wat n Wonderlikke plan. Geniet jou resepte ERG!! Dankie
Geniet elke happie.
Dankie dis Fantasties
Liefde
Christine
Wil Baie graag jou resepte Wil ontvang
Rona, my resepte is almal op die blad. Ek weet nie of jy fb doen nie. Daar is ‘n blad Marindakook waarop elke nuwe resep opsit.
Fantasties
Lekker ne!
Wat is die geheim om koeksisters krispie te hou sonder om dit in yskas te hou.
Ek moet tot my skande vir jou inlig dat ek nie ‘n kenner is nie.