Somtyds wil ‘n muffin ook mooi en grand wees. Dan sit jy vir haar ‘n krummeltjie op en dan smaak sy ook sommer lekkerder.
Krummel-piesangmuffins
Course: GebakVoorbereiding
30
minutesKooktyd
25
minutesBestanddele
375 ml koekmeel
5 ml bakpoeier
5 ml koeksoda
2,5 ml sout
2,5 ml fyn kaneel
150 g witsuiker
3 piesangs fyn gedruk
1 eier liggies geklits
5 ml vanillageursel
76g botter gesmelt
80 g bruinsuiker
30 ml koekmeel
knippie fyn kaneel
15 ml koue botter
Metode
- Stel jou oond op 180C Ek het deurgans net met ‘n vurk gemeng.
- Meng die witsuiker, koekmeel, bakpoeier, koeksoda, sout en 2,5 ml kaneel in ‘n bak.
- In ‘n ander bak meng die eier, vanillageursel, gesmelte botter en fyn piesang. Gooi dit by jou droe bestanddele en meng goed.
- Gooi in gesmeerde muffinpannetjie. (Ek het papierhouers ingesit)
- Meng die bruinsuiker, koekmeel,knippie fyn kaneel en botter met jou hande totdat dit soos nat sand lyk. Verdeel die krummels tussen jou muffins.
- Bak vir 20 tot 25 min. Laat dit afkoel in die pannetjie.
