Ek het ‘n makataanwaatlemoentjie present gekry. Hy le toe op die agtertafel en loer vir my. Ek loer hom terug. Hy vra om geslag te word, ek slag hom.
- Sny jou waatlemoen in ringe van om en by 5 cm.
- sny die binnekos uit en gooi weg.
- sny die groen skil af en gooi weg – of gee vir die hoenders.
- sny nou jou skoon skille in 5 cm mote (stukke)
- prik die mote orals oor. ORALS OOR!
- koop kalk by die apteek.
- sit jou waatlemoenstukke in ‘n kommetjie en strooi 5 eetlepels kalk oor jou stukke.
- vul jou kommetjie op met water tot alles bedek is.
- laat staan oornag.
- die volgende oggend spoel jy jouwaatlemoenstukke goed af.
waatlemoenstukke goed af.
NOU:
- eerstens weeg jou waatlemoen. Myne het 2 kg geweeg so my mates is op 2 kg.
- jy het 2 potte nodig. Die eerste pot vul jy met water en laat dit kook. Plaas jou waatlemoenstukke in die pot en kook vir 20 minute totdat die waatlemoen deurskynend begin raak.
- in jou 2de pot gooi jy 3 kg suiker, 4 liter water, 2 stukke gekneusde gemmer, sap van 2 suurlemoene en die suurlemoenhelftes. Laat dit kook totdat die suiker opgelos is.
- skep nou jou waatlemoenstukke uit die kokende water in die kokende stroop. Kook dit vir ten minste 3 uur totdat die waatlemoen goudbruin is.
NOU:
- steriliseer jou flessies deur dit op n siklus in jou skottelgoedwasser te was of dit in kokende water op die stoof vir 10 minute te kook. Onthou om die dekseltjies ook te steriliseer.
- skep die goudbruin waatlemoenstukke in jou flessies en vul dit op met die sous.
- draai die deksels styf toe.
Geniet jou konfyt saam met kaas of vars gebakte brood.
Hi
Wil graag weet – hoe maak ek as ek nie die maketaan in die stroop wil inle nie.
Jare terug het n tannie dit so laat “droog word” en dit was soooo lekker,….
Dankie
Het dit ongelukkig nog nooit gedoen nie.