Aartappel- en Preisop
Bestanddele
- 4 groot aartappels in ringe gesny
- 30 ml botter
- 1 ui fyngekap
- 3 knoffelhuisies fyn gekap
- 2 preie (die wit gedeelte)fyn gesny
- 10 ml komyn
- 5 ml kerrie
- 1,25 ml goeie groente aftreksel
- 125 ml room
- Sout en peper
- Volroom ongegeurde jogurt vir bo-op
- Sprietui vir garnering
Metode
- Braai die ui en prei tot glaserig in die botter. Gooi die fyngekapte knoffel by en braai vir so ‘n minuut
- Gooi die komyn en kerriepoeier by en braai vinnig
- Gooi nou die aftreksel en aartappels in die pot by die uie en kook tot goed sag. Sout en peper na smaak
- Maak fyn in ‘n voedselverwerker.
- Sit terug in die pot en roer die room deur.
- Skep in ‘n mooi bakkie en druip bietjie jogurt oor. Garneer met die fyngekapte sprietui.
- Jy kan ook croutons by bedien.
