Sop, Voorgereg

Ertjiesop – heel jaar deur

27 comments

Kyk ons vra nie vir koue weer om sop te eet nie.  Ons eet dit heel jaar deur.  Vir ons is sop nie ‘n voorgereg nie – dis kos by ons.  Ek maak hom dik en kragtig met vleis in. Dan fees ons aan die soppie met ‘n lekker glasie nagmaalswyn.

Ertjiesop – heel jaar deur

Recipe by Marinda EngelbrechtCourse: Sop, Voorgereg
Prep time

30

minutes
Cooking time

40

minutes

Bestanddele

  • 1 pakkie (500g) droë ertjies /split peas

  • 2 liter water

  • 2 wortels

  • 4 aartappels

  • 2 uie

  • 30 ml bruinasyn

  • 100 ml worcestersous

  • sout en peper

  • 400g sopvleis (shin met murgbene)

  • 1 klein gerookte eisbein of 1 pakkie gesnipperde bacon (dis opsioneel)

  • bietjie olie om die uie in te braai

Metode

  • Skil jou groente en sny in dobbelsteentjies.
  • Sny jou uie in ringetjies en braai dit saam met jou vleis bruin in ‘n bietjie olie in ‘n lekker groot pot op die stoof.
  • Sit nou die res van die bestandele in die pot en kook tot sag. Roer gereeld.
  • As jy ‘n drukpot gebruik sal dit 60 minute neem.  In ‘n gewone pot sal dit langer neem.  Jy moet maar voel totdat dit sag is.
  • Nou moet jy proe, proe, proe.  Gooi nog sout, peper of worcestersous in na gelang van jou smaak.
  • Haal die vleis uit en druk die groente fyn of gebruik ‘n versapper en versap die groente fyn.
  • Sit die vleis terug in jou pot en geniet die ertjiesop.
blog ertjiesop 009
blog ertjiesop 019

As jy nie vleis het om in te sit nie, kan jy  2liter vleisaftreksel (stock wat jy koop) gebruik. Jy hoef ook nie die eisbein en die bacon in te sit nie dit gee dit egter net n lekker gerookte smaak.  As jy regtig fensie wil wees kan jy as jy dit opdien so n strepie room op elke porsie sit of krummel fetakaas oor. Jy kan hierdie maklike broodjie bak en by jou sop bedien.

Geniet die heerlike ertjiesop en nooit ooit weer mag jy se jy kan nie ertjiesop maak nie.

27 Comments

  1. PETRO GEDDIE

    LYK heerlik sal dit graag probeer ~ sal graag jou boek wil aankoop. Groete

  2. marindakook

    Sarah, dis mos maar hartskos. Dankie dat jy na my blog kyk en dit lees. Mooi dag. Marinda

  3. Marina van Zyl

    Kon nog nooit lekker ertjiesop mask nie, maar hierdie resep is n treffer. Lip-lek-lekker.

  4. Brenda Potgieter

    Gaan dit beslis probeer. Soek al lankal n lekker ertjiesop resep.

  5. Annelien de Beer

    Vandag is dit ek en hierdie heerlike Ertjiesop resep….
    Dit is bibber koud hier in Klerksdorp…
    Gaan voorsit met ‘n lekker Ciabata broodjie vars uit die oond

  6. Hello Marinda, thank you for the recipe busy trying it out. Is the worcestershire sauce the correct quantity? It’s almost the whole bottle if you using the small one? Kind regards, Nicky

    • Hi Nicky

      We love the taste of worcestershire sauce. You can start with less and add to your liking.
      Enjoy lots of love
      Marinda

  7. Nicolette

    Hai marinda kan ek die ertjie Sop vries vir later. Nicolette

  8. Sonja Blignaut

    Baie dankie vir hierdie maklike, smaaklike resep. Die sop is yummylicious.

  9. Dina de klerk

    Hierdie is n liplekker ertjiesop. Sal dit weer en weer maak.

  10. Esbé Norman

    Hi Marinda, dankie vir al hierdie GREAT resepte! Ek love jou as mens en die manier hoe jy jou program aanbied. Jy is so ‘n fun mens en daai stoute humor wat so lekker uikom. Ek is glad nie ‘n kombuis hoender nie, maar jou resepte en idees het nou gemaak dat ek ook bietjie eksperimenteer. Dit is dan so maklik met Marinda. 😋

    • Esbe, jy maak my hart sing op hierdie Sondag. Jy kan ‘n kombuishoender word! Lekker kook en geniet elke happie.
      Groete
      Marinda

  11. Dag sê Marinda

    Ons volg jou oral.

    Daai ertjiesop was klopdisselboom. Met shin en al nes my ouma dit gemaak het. Haar geelwortels was grof gesny . Wholesome.

    Nes julle eet ons dwarsdeur die jaar sop. Ons kook ‘n groot pot, eet ons trommeldik en vries dan in kleiner bakkies. Vrieskas is nooit sonder bakkies sop nie.

    Hou aan met kook.

    Margaret en Elaine. Kaaostad

    • Julle maak my hart sing!!!! Kook is vir my terapie en maak my gelukkig – veral as mense lekker eet.
      Bly warm dis baie koud hier in Yzerfontein
      Groete
      Marinda

  12. Del Davies

    This pea soup is absolutely the best I have ever tasted. Thanku so much. My Afrikaans is v.poor but being a passionate cook, I have no problem reading afrikaans recipes.!!! Pse give me name of yr book …….I hope to find it in CT.

    • You make my heart sing! I make food from the heart with ingredients that is in your house.
      I have 2 books. One for adults and one for kids.
      Marinda se Koskas
      Marinda se Kinderkombuis
      They are available at Exclusive Books, Bargain Books or online from Takealot or Loot

Leave a Comment

Your email address will not be published.

*