Die fudge is regtig maklik en vat 10 minute om te maak in die mikrogolf. Die mikrogolf is die hele tyd op 100% – vol sterkte. Die bak waarin jy werk moet lekker diep wees. Maak seker dis n bak wat in die mikrogolf kan gaan.
- 1 blikkie kondensmelk
- 125 g botter
- 500 ml strooisuiker
- 5 ml vaniella geursel
- 250 ml grondboontjiebotter
- 1 vars chillie of 15 ml chillievlokkies
NOU:
- smelt die botter vir 90 sekondes in die mikrogolf
- stel nou jou mikrogolf vir 10 minute – dit vat 10 minute om die fudge te maak
- gooi die kondensmelk en strooisuiker by die gesmelte botter
- sit die mengsel in die mikrogolf en begin die 10 minute
- nou letterlik elke 2 minute stop jy die mikrogolf en roer met n houtlepel ( dus 5 keer)
- die fudge is nou so n ligte karamel kleur en besig om dik te raak
- roer die vaniella-geursel vinnig in
- smeer n bak van jou keuse en gooi die fudgemengsel in die bak – werk vinnig
BO-LAAG
- smelt n koppie grondboontjie botter saam met een fyngekapte chillie vir 2 minute in die mikrogolf
- roer dit goed deur en gooi oor die fudge
- na so 5 minute kan jy die fudge sny
Jy kan die grondboontjie/chillielaag weglaat of dit vervang met gesmelte sjokolade.
Dis flop proof, heerlik, iets anders en vinnig
Dit lyk heerlik en maklik.
Ek gaan dit beslis probeer!!!
Ek gaan kom proe vriendin.
Hi Vriendin!
Ons gaan die naweek Vleesbaai toe en die twee jongstes kom kuier uit die Kaap en Stellenbosch. Gaan beslis hierdie lekkerte vir hulle maak!! Groete vir Johan. xx
Julle sal moet warm bly in Vleesbaai. Die chillies op die fudge sal help. Groete vir almal.
Marinda, so baie dankie vir die fudge resep. Jy is vrek oulik, anders en spontaan. Jy is een van daardie mense wat daardie LEKKER afgee.
Mooi dag vir jou!
Groete Rachel
Rachel opreg dankie. Jy maak my hart sing.
Liefde
Marinda