Om jou eie mayonnaise te maak is so bevrydend. Dis iets wat vinnig en maklik is om te maak.. Sorg dat die bestandele nie te koud is nie. Haal die eiers uit die yskas voor die tyd.
BESTANDELE:
- 3 eiergele
- 10 ml dijonmostert
- 5 ml suiker
- 10 ml witwynasyn of suurlemoensap
- 300 ml carnola olie
- 3 ml sout
- knippie peper
NOU:
- klits alles behalwe die olie saam vir so 20 sekondes in die voedselverwerker
- voeg nou die olie in n dun straaltjie, regtig baie stadig by – dit moet baie stadig gebeur – die mengsel raak dik.
- skep in bottels en bere in die yskas.
Jy kan die mayonnaise geur met:
knoffel, ansjovis, pesto of vars kruie.
Nooit weer sal winkelmayonnaise so lekker soos jou eie mayonnaise smaak nie.
Dankie vir hierdie!Ek het dit so lanklaas gemaak,seker op Varsity nog.Nou kry ek sommer weer nuwe lus om my eie te maak.Heerlik!
Geniet vriendin.
Marinda
Lyk heerlik, sal dit probeer!!!
Danie dis die moeite werd om dit te probeer.
groete
marinda
Met ‘n stick blender gooi jy sommer alles bymekaar, ook die olie, en blend saam. Ek sit ‘n bietjie heuning in in plaas van suiker.
Heather dit klink heerlik met die heuning. Ek gaan dit beslis probeer.
Groete
Marinda
Kan ek iets anders in die plek van mostert gebruik
Jy kan ddit net uitlos en kruie insit.
Baie dankie Vir n heerlike Resep.
Lettie, ek koop nie meer mayo nie. Geniet!