Kaaskoek bly n wenner. Die kaaskoek is so maklik en dit smaak heerlik. Dis nie te soet nie en die bessies bo-op gee dit n verfrissende smaak. Mense is bang om met gelatine te werk. Glo my, as ek dit kan doen kan jy ook. Dis speel-speel maklik.
BENODIG:
- 1 pakkie romany creams
- 60 ml gesmelte botter
- 3 x houers gladde maaskaas of roomkaas
- 1 blikkie kondensmelk
- 5 ml vanilla ekstrak
- 2 houers grenadella pulp
- 60 ml suurlemoensap
- 15 g gelatine ( een en n half koevertjie)
- 90 ml water
BO-LAAG
- 1 pakkie bevrore bessies
- 100 ml suiker
- 5 ml gelatine
NOU:
- maak die koekies fyn en meng dit met die gesmelte botter
- spuit n losboompan met Spray en Cook en druk die krummels op die bodem vas (sit solank in die yskas)
- meng die roomkaas, kondensmelk, vanilla geursel, suurlemoensap en grenadellapulp tot glad
- los die gelatine in die water op ( vir n paar sekondes in die mikrogolf)
- meng die gelatine mengsel by die roomkaas
- gooi dit op die krummels en sit dit in die yskas
BO-LAAG
- prut die bessies en suiker totdat die suiker opgelos is
- haal dit van die stoof af en roer die gelatine by
- laat dit bietjie afkoel en gooi dit oor die roomkaasmengsel wat in die yskas is
- plaas die kaaskoek terug in die yskas
- los dit oornag in die yskas en spog more met jou pragtige kaaskoek
Die kaaskoek lyk nie net mooi met die bloedrooi bessies nie, maar smaak ook vorentoe.
Goeie more die kaas koek lyk so heerlik is dit moontlik dat jy dit asb vr my kan email baie dankie
More Doreen, Die kaaskoek is heerlik. Kan jy nie die blad met die foto’s oopkry nie? Dis op die blog. Probeer en as jy sukkel stuur ek dit vir jou.
Groetnis
Marinda
Marinda. Hoeveel ml suurlemoensap asook vanilla ek stark Kim by die
Ongebakte kaaskoek. Dit lyk wonderlik. Dankie !
Dagse Marinda. Ons het na jou program gekyk van vis koekies in ‘n blik en bobotie 3 maniere. Hoe kan ons die resepte bekom. Kan ons aan sluit en koste verbonde. Verslaafde aan jou program.
Stuur asb Ongebakte kaaskoek resep.
stuur asb ongebakte kaaskoek resep
Maak die link oop. Dit is op die link