Ek het die pampoenkos gemaak op aandrang van my kleindogter Prinses Lea.
Pampoenkos
Course: MaalvleisPrep time
30
minutesCooking time
25
minutesBestanddele
500g beesmaalvleis
1 x 690 g bottel gekoopte tamatie- pastasous van jou keuse
750 ml gaarrys ( 3 koppies)
750 ml gaar pampoen fyn gedruk
20 ml olie
1 ui fyngekap
20 ml botter
2,5 ml fyn kaneel
sout en peper
Metode
- Stel die oond op 180C en smeer ‘n vierkantige oondbak.
- Braai die ui liggies in die olie. Voeg jou maalvleis by en braai tot dit begin kleur kry.
- Gooi die pastasous by die vleis en kook vir 10-15 minute tot dit alles begin dik word. Sout en peper na smaak Hou dit eenkant tot jy dit nodig kry.
- Terwyl die pampoen warm is, roer die kaneel, botter en sout en peper by.
- Plaas jou rys onder in die oondbak.
- Skep die pampoen op die ry.
- Skep die maalvleis op die pampoen.
- Bak in die oond vir 25 minute.
Oe!hoe!!!! Hierdie Pampoenkos lyk darem altevol lekker, ek gaan dit sommer more maak!!!! Baie dankie Marinda Kook en Prinses Lea 🧡🧡🧡❤️❤️❤️
Sanette, dis heerlik en maklik. Jy kan die maalvleis geur net soos jy wil en so ook die pampoen.
Liefde
Marinda
Pampoenkoekies
Pampoenfriters
Of selfs met butternut
Dankie
Ek vervang ook met wat in die huis is.
Dit lyk heerlik sal dit beslis prober.
Dit is verby lekker.
Geniet
Marinda
Baie dankie Marinda, pampoe kos gaan ek verseker maak. En appelkooskonfyt.🌹
Jy moet elke happie geniet.
Alles lyk baie lekker. Ek is nou moeg vir my resepte, en gaan beslis joune probeer!
Dankie dat jy jou talent met die land se mense deel.
Baie seën vir jou Marinda!
Geniet. Net liefde die deel.