As die snoek loop in die Weskus moet jy snoek gaarmaak. Ons het gisteraand ‘n snoek oor die kole gebraai met suurlemoen en knoffelbotter. Met die snoek wat oor was, het ek viskoekies of visfrikkadelle gemaak.
Snoekfrikadelle
Course: UncategorisedPrep time
30
minutesCooking time
40
minutesBestanddele
800g gaar snoek gevlok
250 ml mash (so een groot aartappel)
1 suurlemoen se sap en skil fyngerasper
250 ml fyngekapte pietersielie (jy kan meer ook insit)
1 pakkie bruinuiesoppoeier
1 ui fyn gerasper
sout en witpeper na smaak
broodkrummels om in te rol
Metode
- Meng die vis, ui, pietersielie, suurlemoensap, suurlemoenskil, mash, soppoeier en sout en peper saam in ‘n bak.
- Vorm balletjies en druk dit bietjie plat met jou hand. (Ek het ‘n groot roomysskepper gebruik).
- Rol die koekies in die broodkrummels en sit dit op ‘n bakplaat met bakpapier in die yskas vir 1 uur.
- Bak dit tot goudbruin in olie, in die oond of in die Airfryer. Ek hou daarvan om myne in ‘n pan met vlakolie op die stoof te braai. Dreineer dit op kombuispapier.
Lus ek nou daai viskoekies! Gaan hulle beslis nog maak. Vrek oor ‘n snoek!
Snoek is ‘n wenner by ons. Geniet elke happie.
Dankie vriendin disnop my menu vandag.
Ingrid, jy kan minder soppoeier ook ingooi. Rasper sommer ‘n ui ook in. Geniet.
Sjoe Marinda, gaan definitief die snoek frikkadel vannaand doen. Baie dankie dat jy jou resepte met ons deel
Geniet elke happie.
Hi Marinda, ek is nie n wafferse kok nie, maar my spreekwoord deesdae is ” ek sal gou by Marinda hoor, hoe maak mens….het ek die snoekfrakadeltjies geniet! die soppoeir was eintlik n verasing maar hy werk soos n bom, dankie hoor….
Net liefde
Marinda baie dankie vir jou resepte. Ek is n wewenaar maar danksy jou resepte eet ek elke dag baie lekker.
Jy maak my hart sing. Geniet.