My ma het altyd vir high days and holidays die visvorm gemaak. – en ons het gedink dis wonderlik. Toe kom daar n stadium in my lewe wat ek my so half geskaam het vir gestolde geregte. Nie meer nie! Ek eet hierdie visvorm met n lied in my hart. Ek sit haar voor vir gaste en hulle eet en vra die resep. Ek maak gewoonlik my visgereg in n ringpan of so n koper visvorm of broodpannetjie. Vandag het ek egter klomp klein vormpies gemaak om vir elke gas sy of haar eie te gee. Die gereg kan dien as n hoofmaal , voorgereg of peusel-ietsie saam met n beskuitjie en n glasie koud. Veelsydig is haar naam.
Jy kan die vis vries en uithaal vir daardie dag wat die man oor die bult kom wat jy nie verwag het nie.
BENODIG:
- 3 blikkies tuna in water
- 1 ui
- 4 gherkins
- 1 koppie ongekapte pietersielie
- 350 ml mayonaise
- 100 ml tamatiesous
- 10 ml tabasco (jy kan uitlos)
- 5 ml suiker
- sout en peper
- 15 ml gelatine
- 125 ml warmwater
NOU:
- kap die ui, pietersielie en gherkins fyn in n voedselverwerker of met jou hand
- gooi die water van die vis af en gooi die vis in n mengbak
- gooi die warmwater in n koppie en strooi die gelatine bo- oor
- sit die tamatiesous, mayonaise, suiker en tabasco in n ander bak en roer dit
- roer nou die gelatine totdat dit opgelos het in die water en gooi by die mayonaise-mengsel
- gooi nou alles bymekaar en roer goed deur
- spuit jou houers met spray and cook
- gooi jou vismengsel in die houers
- sit in die yskas en laat dit stol
Kies jou heel mooiste blaarslaai en bedien dit saam met brood of beskuitjies en smul aan die gesonde happie tot jy wel behaag is.
Onthou jy kan dit vries vir die onverwagte gaste.
Wow klink lekker. Het jy n website?
Ja Eliza, dis http://www.marindakook.com en email marinda kook. Mooi dag en kook lekker! Marinda
Dit klink heerlik en ek gaan dit beslis probeer, ek hou van die afsonderlike vormpies! Baie dankie, Pollie
Probeer gerus. Dis heerlik.
Dit klink heerlik en ek gaan dit beslis probeer. Die afsonderlike vormpies is ‘n baie oulike idee vir gaste.
Baie dankie
Pollie
Pollie, dit bly n wenner. Wat lekker is, is dat mens dit kan vries en net weer uithaal voor die tyd. Geniet dit.
Marinda
Gaan dit beslis weer maak!
Dieplekker
Stupid vraag, vries mens dit in die bakkie, of eers uithaal?
In die bakkie. Ek sit kleefplastiek onder en laat dit oor die kante han. Dan kan mens dit maklik uithaal
Ek het dit gemaak en dit is heeeerlik, baie dankie
Dit bly lekker. Gebruik dit graag vir ‘n voorgereg.
Hi Marinda,
Jy het vriendin Paula op Saldanha – alle geval sy maak ‘n heerlike vis vorm..waar kan ek resep kry asb.
dankie
Elize
Dit is op die blad. Loer vir Paula se visvorm. Praat as jy nie regkom nie.