Pannekoek kan soet of sout geniet word. Vir die winter is dit ‘n moet.
Pannekoek
2 (500ml) koppies meel
2 teelepels (10ml) bakpoeier
1 teelepel (5ml) sout
2 koppies (500ml) water
2 eiers
1/2 koppie (125ml) olie
1 teelepel (5ml) suurlemoensap
Meng alles saam met ‘n draadklitser. Laat dit staan vir 1 uur.
Gooi in jou pannetjie 10 ml olie. Laat jou pannetjie lekker warm word en gooi die olie uit.
Gooi ‘n dun lagie van jou beslag in die pannetjie. As dit begin borreltjies maak en droog raak, draai dit om met ‘n spaan.
Stapel die pannekoeke op mekaar , hou dit toe met folio of ‘n bak met n deksel.
Daar is jou pannekoeke!
Vir die vulsel kan jy nou jou vrye teuels gebruik:
room
karamel
bessies
sjokoladesmeer
neute
piesangs
kaas
spinasie
ham
tuna met mayonnaise
Ek gaan defnintief jou resep probeer. Ek is al so moeg vir resepte wat nie so lekker is soos die fotos nie. Ek sal jou laat weet hoe dit gewerk het. xxx
Vriendin, dit werk. Geniet dit.
Marinda
Baie dankie jou resep wonderlik ek kon nie pannekoek bak, nou is dit my hartskos en my kleindogter geniet dit., moet die elke keer bak wanneer sy kom kuier en dit is gereeld !!
Adri, ek is so bly. Die resep kom van my ouma af. Lekker pannekoek bak.
groete
Marinda