Dis die tyd van die jaar wat ek met moeite my stoof start. Selfs om die skottlegoedmasjien uit te pak is vir my moeite. So besluit ek om vandag vinnige kos te maak. Die rooisous gooi jy net alles saam en vergeet daarvan vir ten minste 60 minute.
BENODIG:
- 1 ui
- 6 knoffelhuisies
- 30 ml olie
- 60 ml bruinsuiker
- 2 blikkies tamatie en uie mengsel
- 1 houer tamatiepaste
- 125 ml rooiwyn ( gebruik jou beste wyn)
- 6 peperkorrels
- 30 ml rissievlokkies ( of so sterk soos jy dit wil he)
- sout en peper na smaak
- tiemie en roosmaryn ( so n takkie van elke)
NOU:
- sny die ui in ringetjies en braai liggies tot sagte bruin in die olie
- kap die knoffel fyn en braai saam met die ui
- gooi al die res van die bestandele by en laat dit prut vir 60 minute – dit kry so n donker rooi/bruin kleur
Nou ons het dit saam met pasta geeet. Strooi mildelik met parmasaankaas.
Sluk af met n glasie koud.
Dit lyk heerlik! Gaan sommer in groot mate maak vir my spul van 7 mense… en vries. Bekostigbaar en lekker. Dankie! Dis ‘n plesier om vir ‘n slag resepte te sien met ‘ons’ bestandele, en wat nie so hard aan die beursie ruk nie.
Chantel, dis huiskos. Dis glad nie fancy kos nie. Bly as jy dit geniet.
Marinda