Vir Lize Beekman het ek gewone ryspoeding geneem en dit ‘n ander smaak gegee. Probeer dit gerus.
Ryspoeding
Prep time
30
minutesCooking time
40
minutesBestanddele
30 ml botter
330 ml rys
2 blikkies klapperroom
125 ml suiker
1 vanieljepeul of 5 ml vanielje-ekstrak
1 kaneelstokkie
3 kardamomsade, gekneus
knippie sout
sjokoladeplak van jou keuse – kan melksjokolade, donker, lig of gemeng wees
Metode
- Smelt die botter in ’n kastrol en roerbraai die rys tot al die korreltjies blink is.
- Gooi al die res van die bestanddele behalwe die sjokolade by.
- Nou moet jy deurentyd roer – dit kan maklik vasbrand.
- Na 20 minute behoort dit so ’n romerige tekstuur te hê. Proe daaraan. Die korrels moenie pap wees nie.
- Haal die vanieljepeul, kardamom en kaneelstokkies uit en gooi dit weg.
- Haal van die plaat af en roer die sjokolade by.
- Stroop
- Gooi 125 g bessies (enige soort), 100 ml suiker en 100 ml water in ’n mikrogolfbestande bak.
- Mikrogolf vir so 5 minute – roer en druk van die bessies pap.
- Skep nou die ryspoeding in ’n mooi houer en skep die bessies bo-oor.
