Ek vrek oor ‘n cremoratert. Ek besluit toe om die tert te maak na my skoonsus se smaak. Dis met ‘n hartseerhart dat ek moet se sy is oorlede voor sy die tert kon proe. Ek dra die tert op aan my skoonsus Joanita Engelbrecht. Wou so graag vir haar ‘n stukkie gevat het. Die lewe is kort. Maak die tert en eet hom! Dit is ‘n vermenging van cremora/subtiele sjokolade en ‘n marshmellow smaak. Dit is ‘n groot tert wat in ‘n losboompan gemaak word.
Sjokolade-cremora-marshmallow-tert vir Joanita
Course: Nagereg, TertePrep time
30
minutesCooking time
40
minutesBestanddele
30 ml gelatien
90 ml koue water
2 x boksies Oreokoekies of enige sjokoladebasis koekie
100 ml gesmelte botter
500 g Cremora
250 ml yskoue water
2 blikkies kondensmelk
250 ml suurlemoensap
5 ml vanilla essence
150 g donker sjokolade
- Opsionele bolaag
2 x 150g heelneut sjokolades
100 ml melk
Metode
- Gooi die gelatien in die 90 ml water in ‘n beker en los dit eenkant.
- Maak jou koekies fyn in die voedselverwerker en meng dit met die gesmelte botter.
- Ek het ‘n vierkantige stuk bakpapier geknip en die losboompan oor dit toegemaak. M.a.w. dit het ver verbygesteek onder die pan. Dit maak dit net makliker om die tert later uit jou pan te kry. Spuit die losboompan.
- Druk die koekiemengsel/kors vas in die pan. Gaan bietjie teen die kante op. Sit dit in die yskas tot jy dit nodig gaan kry.
- Klits die Cremora en yskoue water tot al die kontjies verdwyn het.
- Gooi die kondensmelk by en klits vir ten minste 5 minute. Dit raak dik en begin na sagte marshmellow lyk.
- Terwyl jy klits gooi die suurlemoensap rustig by. Klits dan die vanilla by.
- Smelt die sjokolade in die mikrogolf en klits dit by.
- Smelt die gelatien en die water tot dit oplos in die mikrogolf en klits dit by (oppas vir te lank in die mikrogolf.
- Skep jou Cremoramengsel op die koekies in jou pan. Sit dit oornag in die yskas.
- Vir die bolaag: Smelt die heelneut sjokolades en melk in die mikrogolf. Meng dit goed en gooi dit bo-oor jou tert. Los die tert oornag in die yskas.
Dis lyk baie lekker
Ryk en lekker en maklik
More sê
Marinda, ek gaan beslis hierdie sjokolade koek bak. Bedoel jy met karamel – karamelkondensmelk?
Baie dankie! Ek geniet alles wat uit jou kombuis kom.
more
Karamelkondensmelk. Geniet.
Hoe veel mense kan dit voer?
ten minste 10