Nagereg

Sjokoladebondeltjies en Vrugte-yskasblokkies

6 comments

Ek het as kind met hierdie sjokoladebondeltjies groot geword en half vergeet van dit. Hier bring Carmen Niehaus dit tafel toe en bring mooi herinneringe saam. Die resep maak so 40 klein bondeltjies.

Die vrugte-yskasblokkies behoort ook aan Carmen Niehaus.  So ’n lekker iets vir die kosblik. Die resep maak 21 blokkies.

Sjokoladebondeltjies en Vrugte-yskasblokkies

Recipe by Marinda Engelbrecht
Prep time

30

minutes
Cooking time

40

minutes

Bestanddele

  • Sjokoladebondeltjies
  • 250-375 ml (1-1½ k) bruinsuiker

  • 100 g botter

  • 125 ml (½ k) melk (laat hierby ’n bietjie Carmien red mocha tee intrek (so 2 sakkies))

  • 125 ml (½ k) kakao

  • 750 ml (3 k) hawermout

  • 250 ml (1 k) klapper

  • 5 ml (1 t) vanieljegeursel

  • Vrugte-yskasblokkies
  • 115 g botter

  • 1 blik kondensmelk

  • 5 ml (1 t) vanieljegeursel

  • 375 ml (1½ k) rosyntjiemengsel (125 ml daarvan deesdae bosbessies)

  • 125 ml (½ k) glanskersies of selfs dadels (gekap)

  • 125 ml (½ k) grofgekapte gemengde neute

  • 2 pakke Tennisbeskuitjies (ek gebruik deesdae veselbeskuitjies), grofgebreek

Metode

  • Sjokoladebondeltjies
  • Spuit ’n paar velle bakpapier met kossproei of smeer met botter en plaas op ’n bakplaat.
  • Plaas die suiker, botter, melk en kakao in ’n groot kastrol. Bring tot kookpunt, roer gedurig en kook dan 5 minute lank.
  • Meng intussen die hawermout en klapper en meng by die kakaomengsel in (verwyder dit van die stoof).
  • Skep teelepels vol van die mengsel op die bakpapier – werk vinnig, dit word gou hard. Laat afkoel. Bêre in ’n lugdigte houer.
  • Vrugte-yskasblokkies
  • Spuit ’n pan van 18 x 28 x 3 cm met kossproei.
  • Smelt die botter en roer die kondensmelk in. Haal van die hitte af en roer die geursel by.
  • Voeg die res van die bestanddele by en meng goed.
  • Skep in die bakplaat en druk vas met ’n eierspaan. Laat staan 24 uur in die yskas om mooi stewig te word. Sny in vierkantige blokkies.
  • Jy kan selfs ’n bietjie klapper bo-oor sprinkel vir die mooi.

6 Comments

  1. Anna Burgoffer

    Lekker om saam te kook.

  2. Sarie Marais

    Ek wil graag v jou hoor het jy n nuusbrief

  3. Susan Robbertze

    Waar koop ek Marinda se boek MAKLIK MET MARINDA

    • Marinda Engelbrecht

      Die heel eerste boek is uitverkoop. Die ander is by alle boekwinkels en aanlyn by Takealot of Loot

Leave a Comment

Your email address will not be published.

*