Hoofgereg, Seekos

Diepgebraaide vis en tjips

4 comments

Kyk Sandra het styl.  Toe sy vir my vra om ’n doodgewone diepgebraaide vis te maak, toe weet ek dat ek sal moet uithaal en wys. Dit is moeilik om regtig crispy vis te kry. Ek het die geheim ontdek! Lees mooi!

Diepgebraaide vis en tjips

Recipe by Marinda EngelbrechtCourse: Hoofgereg, Seekos
Prep time

30

minutes
Cooking time

40

minutes

Bestanddele

  • Bierbeslag – Vis
  • 1 pakkie I&J-visfilette

  • 500 ml koekmeel

  • sout

  • witpeper

  • 5 ml bakpoeier

  • 70 ml mielieblom (Maizena)

  • 250 ml bier

  • olie vir diepbraai

  • Dun bros skyfies
  • 4 groot aartappels (kies aartappels wat geskik is vir skyfies)

  • growwe sout

  • olie vir diepbraai

  • Tartaarsous
  • 250 ml goeie mayonnaise

  • 2 argurkies, baie fyn gekap

  • 30 ml dille, baie fyn gekap

  • 5 ml suurlemoensap

  • 20 ml wortels, baie fyn gerasper

Metode

  • Bierbeslag – Vis
  • Haal die vis (nog bevrore) uit die plastiek en dompel die mootjies een vir een vinnig in ’n bak kookwater.
  • Meng 250 ml meel en sout en peper in ’n bak en druk die mootjies een vir een in die mengsel.
  • Sit bakpapier op ’n bakplaat en laat die vis daarop rus vir so 15 minute.
  • Meng in ’n ander bak 250 ml meel, bakpoeier, mielieblom, sout en witpeper.
  • Roer die bier by.
  • Gooi die olie in ’n pot en maak dit goed warm.
  • Dompel die mootjies in die bierbeslag en laat sak dit in die warm olie.
  • As dit mooi bruin is, dreineer dit op kombuispapier.
  • Dun bros skyfies
  • Skil die aartappels en sny dit in dun skyfies.
  • Gooi die rou skyfies in yswater.
  • Verhit die olie tot 150 °C.
  • Maak die skyfies droog en braai dit vir so 4 minute by 150 °C.
  • Haal dit uit en dreineer op kombuispapier.
  • Verhit die olie tot 200 °C en braai skyfies tot goudbruin.
  • Dreineer op kombuispapier en strooi growwe sout oor.
  • Tartaarsous
  • Meng alles en sit dit in die yskas vir ten minste 30 minute.

4 Comments

  1. Sylvia Smith

    Heerlik!

  2. Ek geniet die TV-program en Marinda, haar gaste en resepte erg baie! Doen so voort!

Leave a Comment

Your email address will not be published.

*