Sop in die winter is n trooskossie. Ek is gewoond lekker ertjiesop en boontjiesop in die drukkoker maak. As ek sulke sop maak en ons eet dit met vars, warm brood is dit n maaltyd. Toe raak ek verlief op Woolies se tamatiesop Na verskeie probeerslae dink ek , ek het dit onder die knie. Dis vinnig en heerlik. n Sop wat jy met groot vrymoedigheid vir deftige gaste kan voorsit maar ook saam met jou gesin kan geniet.
BENODIG:
- 2 blikkies tamatiepuree
- 500 ml aftreksel /stock ( los twee blokkies op in warmwater)
- 1 ui
- 2 knoffelhuisies
- 20 ml suiker
- 7,5 ml gerookte paprika
- 10 ml italiaanse kruie
- 50 ml soyasous
- sout en peper na smaak
- 250 ml room
NOU:
Sny die ui en knoffel in ringetjies en braai tot deurskynend.
Voeg al die res van die bestandele behalwe die room by en kook vir so 20 min saggies.
Verpulp alles met n voedselverwerker/ blitser tot glad
Roer die room deur en laat dit lekker warm word.
Geniet jou heerlike sop met kaas, brood en baie liefde.
