Tiramisu

Dit is ‘n nagereg wat reeds die vorige dag gemaak word en hoe langer hy staan hoe beter.  Die Italianers se die naam beteken : “Pick me up”. Na ja toe na krismis kort ons dit seker almal.

 

BESTANDDELE

  • 500 ml room
  • 250 g mascarpone kaas (kamertemperatuur)
  • 80 g strooisuiker
  • 5 ml vanillageursel
  • 1 pak boudoir beskuitjies ( vingerbeskuitjies)
  • 250 ml sterk koffie
  • 80 ml koffielikeur
  • Kakaopoier
  • 1 flake

METODE

  1. Klits die room tot dit begin styf raak
  2. Voeg die vanillageursel en strooisuiker by en klits tot sagte punte
  3. Roer die mascarpone by die room.
  4. Kry ‘n glasbak, want jy gaan nou jou beskuitjies daarin pak
  5. Meng die koffie en die likeur en druk elke beskuitjie vinnig in die mengsel
  6. Pak ‘n lagie van die beskuitjies onder in jou bak.
  7. Smeer die helfte van die roommengsel oor die beskuitjies
  8. Herhaal die bekuitjielagie ( onthou om in die koffie te druk)
  9. Smeer die ander helfte van die roommengsel oor.
  10. Met ‘n siffie, sif ‘n dun lagie kakaopoeier oor.  Maak toe met gladwrap en sit oornag in die yskas
  11. Net voor opdiening, krummel die flake oor.