Vandag is die dag vir viskoekies. Glad nie moeilik om te maak nie en altyd ‘n wenner.
BESTANDELE
500 g gaar vis
300 g gaar aartappels
1 koppie (250ml) fyn gesnipperde pietersielie
1 ui gerasper
2 eiers
sout
peper
30 ml suurlemoensap
gekoopte broodkrummels om dit in te rol
1 bottel olie om dit in te braai.
METODE
1. Kook die vis in water wat dit net bedek vir 20 minute. Die vis vlok maklik as jy met ‘n vurk op dit druk.
2. Skil die aartappels en sny dit in kwarte. Kook dit in water tot sag. As n vurk maklik in dit gaan is dit sag. Druk dit fyn met ‘n vurk of aartappel “masher”. Mash dit.
3. Snipper pietersielie fyn. Sit dit in ‘n beker en knip met ‘n sker in die beker. Dit sny lekker fyn.
4. Skil die ui en rasper fyn met jou rasper of kap dit fyn in jou voedselverwerker.
5. Klits die eiers met ‘n vurk tot lekker gemeng. Klits sommer in’n beker.
6. Plaas die vis, fyn aartappels, pietersielie, ui, sout , peper , uie en suurlemoensap in’n bak. Meng alles lekker met jou hande. Maak koekies so groot soos golfballe en druk bietjie plat.
7. Rol die viskoekies in die broodkrummels. Plaas op n bord en laat dit rus vir 1 uur in die yskas.
8. Sit die olie in ‘n diep pan en laat dit warm word. Braai die viskoekies mooi bruin in die olie.
Geniet dit.
Hi Marinda, kan mens die viskoekies vries?
Ja, hulle vries gaar of rou baie goed.
Hulle vries gaar of rou baie goed.
Jy kan dit vries. Dit vries baie goed. Gaar of rou.
jip.
Wat maak ek met die eiers wat ek geklits het. Sit ek dit in die viskoekiebeslag, of rol rk die koekie daarin, voor ek die broodkrummels opsit
Ek sien nou ek het dit nie in die resep gesit nie. Sit dit by jou vis.
Hi Marinda
Wil net sê die koolbredie is ‘n treffer, ek het dit verlede week gemaak en ai, dit was super lekker!
Dankie
Middag Erna, ek is so bly. Dit is geduldige en eerlike kos. Lekker eet.
Groete
Marinda