Bestandele
- 1 kleinerige Franse broodjie
- 50 ml mayonnaise
- 15 ml Dijon-mostert
- 250 g cheddarkaas
- 1 blik aspersiestukke, gedreineer
- vars basieliekruid, tiemie en dill
- 10 ansjovissies (of soveel of so min soos jou behaag)
- ekstra basieliekruidblare vir garnering
Metode
Sny die brood in die lengte deur en hol die onderste deel uit. Smeer die binnekant van die brood met die mayonnaise en mostert.
Vul die uitgeholde kant van die brood met genoeg kaas, pak die aspersiestukke bo-op en sprinkel met die vars kruie. Plaas die ansjovissies bo-op, plaas die boonste gedeelte van die brood bo-op die kaas en draai die brood toe in tinfoelie.
Bak in ‘n voorverhitte oond vir 25 minute teen 180ºC. Verwyder die tinfoelie, sny in skywe en bedien terwyl nog warm.
Lewer so 4 porsies saam met sop.
Maklik!
