Kyk, ek het nou gaan oplees wat noem mens die pampoen en tot die slotsom gekom dis een enorme murgpampoen. Wel , sy het vir n groot lekkerte in ons huis gesorg.
BENODIG;
- 1/2 murgpampoen
- botter – soos jou behoefte
- kaneelsuiker ( ek het dieetsuiker met kaneel gemeng. – 100ml dieetsuiker en 20 ml kaneelpoeier)
NOU:
- sny die pampoen in die lengte in die helfte en krap die pitte uit
- smeer ruim met botter
- strooi kaneelsuiker oor
- maak toe met tinfoelie en bak vir 40 tot 60 min by 180 grade (voel as dit sag is)
Die soet-lekkerte kan as bykos by enige gereg bedien word. Jy eet dit en jy voel nie jy word ontneem van iets soets nie.
As jy dit as n hoofgereg wil bedien kan jy die soetigheid uitlos en dit vul met gegeurde maalvleis.
Die reuse murgpampoen ken ek as ‘n slonspampoen.
Nou leer jy vir my ‘n nuwe woordjie.
Hallo, baie dankie vir al die lekker resepte. Kan jy dalk meer Banting/lowcarb resepte plaas asseblief?
Baie dankie
Die resepte wat hier is, is die kos wat ek in my huis maak. Ek sal bietjie loer en dan plaas.
Baie dankie vir jou klinkklaar eenvoudige duidelike resepte! Ou resepte word weer spesiaal omdat die metode reg en duidelik is!
Elmine, dit is net liefde. Geniet elke happie.
Groetnis
Marinda