Daar is sekere kosse wat nooit uit die mode gaan nie. Een daarvan is ‘n peppermintcrisp tert. Ek het met dit groot geword en vandag nog is dit n gunsteling in ons huis. Die lekkerte is dat dit as nagereg net so goed kan werk as n tert vir teetyd. 
BENODIG:
- 1 tot 2 pakkies tennisbeskuitjies
- 500 ml room
- 1 blikkie caramel treat
- 150 g peppermintcrisp sjokolade
- 1 peppermint aero sjokolade
NOU:
- spuit n bak met spray and cook en pak die bodem toe met die tennisbeskuitjies
- maak die karamel sag in n houer ( ek het sommer geroer met n vurk)
- klits die room tot sagtepuntstadium
- roer die karamel daarby
- breek die peppermintcrisp lekker fyn en meng dit by die roommengsel
- skep van die roommengsel op die koekielaag
- pak weer n laag koekies en nog n roomlaag
- krummel die aero heel bo-op
- los in die yskas vir ten minste 2 uur om behoorlik te stol
Hou niks terug as jy die tert eet nie. Vergeet een oomblik van n banting dieet. Geniet elke oomblik.
Lyk en small verruklik lekker!
Danie, jy kan dit gerus probeer maak. Dis so maklik en werklik lekker.
Marinda
Baie baie lekker.
Kleina, ek kon nie ophou eet nie!
Marinda
Fantasties
Joelize, ek stem.
Groete
Marinda
Marinda..ek is van Malmesbury maar bly sedert Maart 2024 in VSA. Ek wil jou pepperminttert maak vir ons jaareindfunksie.
My vraag is my foelie tertbak is323 x228x46mm.
Moet ek jou resep verdubbel of sal hy werk vir die size. Ek hoor graag van jou. Santie
More Santie
Ek sal dit dubbel aanmaak. Net vir veiligheid sal ek sommer 1 pakkie gelatien inwerk omdat dit so groot gaan wees. Alles moet ook lekker koud wees as jy met dit werk.
Geniet!
O lekkerte
Dieplekker