Bykosse, Terte, Voorgereg

Braai paai – so lekker oor die kole

14 comments

Die braai paai het nie hoeveelhede nie – behalwe die deeg.  Dis heerlik as n bygereg of as n voorgereg.  Gaste is gewoonlik verstom as jy dit oor die kole gaarmaak.  Jy het n dieperige toeslaanrooster nodig. Die vulsel is volgens jou smaak.  Ek gaan twee variasies opsit.braai paai blog 090

BENODIG:

Eerste Vulsel:

  • 2 rolle blaardeeg
  • 1/2 blikkie tamatiemengselbraai paai blog 016
  • 2 worsies of ham of bacon
  • 2 koppies kaas van jou keuse ( ek het cheddar gebruik)braai paai blog 005
  • 1 driehoek bloukaasbraai paai blog 039
  • 1 wielletjie fetakaas
  • 2 uie
  • 125ml balsamiese asyn
  • 80 ml bruinsuiker

NOU:

  1. braai die worsies bruin in die pan en sny dit dun skyfiesbraai paai blog 001
  2. braai die uie met balsamiese asyn en bruinsuiker in die worsies se pan totdat dit dik kookbraai paai blog 030
  3. strooi meel op n bakplaat en pak die een vel deeg op die bakplaat  – as jy die lae begin pak, hou so n sentimeter strokie oop reg rondom die deegbraai paai blog 017
  4. smeer die helfte van die tamatiemengsel op die deegbraai paai blog 021
  5. plaas die worsies op die die tamatielaagbraai paai blog 025
  6. pak nou die uie op die worsielaagbraai paai blog 035
  7. strooi die cheddarkaas oor die worsies
  8. krummel nou die bloukaas en feta heel bo-opbraai paai blog 045
  9. maak dit alles toe met die ander rol deegbraai paai blog 048
  10. druk die kante vas met n vurkbraai paai blog 049
  11. maak n vuur en braai die paaibraai paai blog 066
  12. moenie die rooster te styf vasknyp nie – gebruik die twee kante net om jou te help om dit te kan omdraaibraai paai blog 068
  13. as dit mooi bruin aan beide kante is, is dit reg vir eetbraai paai blog 081

ALTERATIEF – vir braaibroodjie

Tweede Vulsel:

  1. neem een vel deeg en strooi kaas oor – net aan die een helfte, want jy gaan dit toevoubraai paai blog 056
  2. sny tamatie bo-op die kaas en sout en peper na smaakbraai paai blog 059
  3. sny uie dun en pak bo-op die tamatiebraai paai blog 062
  4. vou die deeg toe en druk dit vas met n vurk al om die kante
  5. nou braai jy dit rustig oor die kolebraai paai blog 083

Kom ek se vir jou dat dit so lekker is dat jou gaste sal terugkom vir meer.  Die vulsel kan enige iets wees wat jou hart begeer – just do it!braai paai blog 086

 

14 Comments

  1. Marelize Vorster

    Lyk heerlik – ek gaan dit vannaand braai!

    • marindakook

      Marelize, jy kan enige iets in dit sit. Pesto as n basis werk ook lekker. Geniet dit en vat ietsie kouds met dit saam. x

  2. Ek is mal oor die fotos wat jy bysit…baie dankie en hou asb so aan…

    • marindakook

      Mariska, baie dankie. Ek neem die foto’s met n klein Canon kamera. Bly jy geniet dit.
      Groete
      Marinda

  3. Very nice post. I absolutely appreciate this website.
    Keep writing!

  4. RIa Van der schyff

    Hallo marinda
    Ek vra nou oor die chutney
    Jy het 20ml fyn gemmer
    Dan weer 2.5 ml
    Sal graag wil weet is dit reg
    Dit is daai 1 met die appelkooskonfyt
    Dnki ria

    • More Ria
      20 ml is vars gemmer wat jy in die begin by punt 1 alles fynkap.
      2,5 ml is gemmer uit die botteltjie

  5. Johann Hendriks

    Marinda,
    Ons is opsoek na jou sous resepie wat jy saam met die bees fillet bedien het.

    Met opregte dank,
    Johann.
    johannhendriks1@gmail.com

    • More Johann

      Ekskuus ek het so lanklaas vir myself gekyk op TV. Watter soort sousie was dit?
      Groete
      Marinda

      • Johann Hendriks

        Goeie môre Marinda,
        Die een wat jy verlede week met die “Fillet” bedien het.

        Geseënde dag vir jou.
        Beste groete,
        Johann.

        • Johann
          Saam met wie het ek gekook. Daardie reeks is lank terug opgeneem en ek kan die sousie nie onthou nie. Romerig?
          Marinda

  6. Anmar Collins

    Goeie dag Marinda

    Ons is op soek na jou geel aartappels resep. Jy het dit blykbaar saam met ‘n hoenderpastei gemaak. Hoop jy kan ons help.
    Baie dankie.
    Groete
    Anmar

Leave a Comment

Your email address will not be published.

*