Om soutvleis in jou yskas te he, is om kos in jou huis te he.Dis lekkerder as enige gekoopte kouevleis en daar is n gevoel van tevredenheid in jou binneste. Soutvleis met mostert en slaai op n toebroodjie vra net vir n glasie koud by.
BENODIG:
- soutvleis / corned beef – te koop by supermarkte of by Fruit en Veg
- 2 lourierblare / bay leaves
- 5 heel naeltjies
- 5 heel peperkorrels
- 1 ui in ringe gesny
- 3 wortels in ringe gesny
- 1 takkie pietersielie
- 15 ml bruinsuiker
- 10 ml mostert klaar aangemaak of 5 ml poeiermostert
- genoeg water om die vleis toe te maak in die pot
NOU:
- sny die ui en die wortel in n pot
- gooi die lourierblare, pietersielie, naeltjies, peperkorrels, suiker en mostert op die uie en wortels
- sit die vleis in die pot en maak dit toe met water
- nou vir elke 500g wat die vleis weeg, kook jy dit vir 30 minute op die stoof ( my vleis het 1,5 kg geweeg en ek het dit stadig vir 90 minute gekook)
- haal die vleis uit die water en laat afkoel buite die yskas
- draai nou die vleis toe in gladwrap en bere dit in n plastiekhouer in jou yskas – dit kan werklik baie lank hou in jou yskas
Geniet hierdie stukkie tradisionele vleis op brood of in n slaai. Mostert en sweet chilliesous komplimenteer die soutvleis.
Hi Marinda,
Dankie vir die resep.
My gunsteling vleis oor Kersgety lekkerder as kalkoen.
Kan nie wag om myne te koop nie het nog nie n lekker snit gesien.
Soek nog. Stuur maar die resepte ons sien uit daarna.
Soet bly.
Linda.
Linda, soos ek hier in my kombuisie kook, laai ek die resepte op. Jy moet n mooi dag he. Marinda
Susan, ek gebruik die resep van Foodlovers Recipes. Baie lekker.
BESTANDELE
6 niertjies in blokkies gesny.
2 koppies lewer in blokkies gesny.
1 groot opgekapte ui.
1 koppie niervet in blokkies gesny.(opsioneel)
sout.
peper.
suiker.
maizena.
asyn.
6 heel naeltjies.
KOOKWATER
Metode:
Braai die vet tot ligbruin in n pot of kastrol ,groot genoeg vir die sous ook skep die stukke uit en… bere eenkant,gee die uitgebrande vet vir die ousie
Braai die uie tot ligbruin,in dieselfde pot,wat nou lekker geolie is,bere eenkant
Braai(roer) die lewer en niertjies tot verkleur.Voeg nou die vet en uie by,dadelik daarna die KOOKWATER.Gooi 6 naeltjies,sout,peper en suiker in na smaak.
Kook die bedryf tot gaar(sny van die grooter stukke oop om te sien)as jy dit te lank kook is die vleis rubber.(Dan kan jy dit vir die hond gee) NOU LUISTER MOOI;
Vat so kwart koppie asyn met opgehoopte eetlepel maizena roer tot die klonte weg is,in dieselfde koppie,jy kan koue water bygooi as dit te dik is. NOU terwyl jy die pot roer,gooi jy die asyn mengsel STADIG in. BLY ROER as hy te dun is maak nog maizena met koue water aan,gooi by.as jou bedryf te dik is gooi water by. Kook vir nog n rukkie,Bedien saam pap of brood.
Susan, laat weet hoe dit gesmaak het. Ek bere dit altyd in die yskas vir daardie dae wat jy nie lus het om te kook nie.
groete
marinda
Ek wil graag weet hoe maak jy die soutvleis. Het ‘n stuk bees maar om dit tot soutvleis te maak. As jy kan help sal ek dit waardeer.groete. Sandra
Middag Sandra, ek het hierdie resep destyds op die internet gekry en dit werk goed. Soutvleis in die yskas is altyd n wenner.
Hierdie resep is baie, baie oud en kom uit my Oorl. Moeder se resepte boek.
BESTANDELE
5kg vleis
15g saltpeter
15-75g bruin suiker (na smaak)
200g sout
1 teel swartpeper
8 lourierblare
2 huisies knoffel
2 teel gemmer
2teel wonderpeper
METODE
Meng alles goed saam, vryf mengsel in vleis in. Plaas vleis in houer, strooi orige mengsel bo-oor en laat vleis vir 1 week in die yskas staan. Draai elke dag om en vryf weer in met mengsel tot alles opgelos is. Gooi water by tot heelbedek en kook tot gaar.
ALTERNATIEWE RESEP
1.5kg growwe sout
30g saltpeter
500g bruin suiker
Genoeg water om vleis heeltemal te bedek
Roer al die bestandele in die water tot opgelos. Plaas vleis daarin maak seker dit is heeltemal bedek. Laat vleis 5-6dae daarin le. Hou op ‘n koel plek. Gooi 2teel koljander en 2teel naeltjies in die water en kook tot gaar. *Rina*
Kan mens wildsvleis ook sout maak
Nog nooit probeer nie. laat weet hoe dit smaak as jy dit doen.
Hi Marinda
Hoe kan ek n lekker silwerside roast gaar maak vir kersfees?
More
Maak dit soos ‘n pot roast met lekker groente
Wat doen jy met die sous en groente na jy “corned beef” gekook het
Jy kan dit hou vir stock. Dreineer. die sous.