Ek het nou die beker sjokoladepoeding geeet en dink ek is versadig vir 2 weke. Dis ryk, dis klam en dis dekadent en dis vinnig. Dis ideaal vir die gaste wat onverwags opdaag. Bedien dit met room, roomys of vla.
BENODIG:
- 80g botter
- 80 g sjokolade ( ek het heelneut gebruik, maar jy kan enige sjokolade gebruik)
- 30g koekmeel
- 30g suiker
- knippie sout
- 1/2 teelepel vanillageursel
- 1 eier
- 2 blokkies sjokolade
NOU:
- smelt die botter en sjokolade vir 1 minuut in n bakkie in die mikrogolf – roer dit
- meng die meel, suiker, sout, eier en vanillageursel met n draadklitser
- meng die warm sjokolade/botter mengsel by jou meelmengsel
- spuit twee bekers met spray en cook en verdeel die mengsel tussen die twee bekers
- druk nog 2 blokkies sjokolade in elke beker – dit moet toe wees onder die beslag
- mikrogolf op hoog vir 90 sekondes – as dit nog nie los is van die kante nie, mikrogolf nog vir 30 sekondes
Wees gewaarsku : die nagereg is ryk. Dis heerlik klam en vra vir nog.
Jy kan dit in die beker eet of die kante losmaak en dit uitdop op n bordjie.
O, dit lyk YURLUK! hou van jou MAKLIKE resepte, vriendin!
Elmarie ek is te oud om omslagtig te werk in die kombuis. Die lekkerste vir die potjie is goeie kwaliteit donker sjokolade. Geniet.
Marinda
Eet sommer die foto so lekker lyk dit!!!!!!
Probeer dit gerus. Dis vinnig en maklik en soet!