Vinnige eierpannekoek – frittata – 6 porsies

My seun en sy meisie het verlede naweek hier by ons in Hopefield gekuier.  Soos dit ‘n goeie ma betaam wou ek vir hul met vol magies terugstuur huistoe.  Ek maak toe die eierpannekoek.

  • 6 eiers
  • 50 ml botter
  • 50 ml olie ( enige soort)
  • 250 ml bacon in klein stukkies gesny (koop sommer die klaar gesnipperde bacon)
  • 1 ui fyngekap
  • 20ml pietsielie fyngekap
  • 20 ml roosmarynblaarjies fyngekap ( onthou dat jy die pietesielie en die roosmaryn in ‘n beker kan fynknip met die kombuissker)
  • 250 ml fyn tamaties ( rosatamaties halveer of gewone tamatie fyner gesny)
  • 250 ml kaas van jou keuse ( cheddar, bloukaas of wat ook al in die yskas is)

NOU:

  1. Maak jou botter en olie saam in die pan warm.
  2. Braai jou uie en bacon  saam in die pan.
  3. Braai die tamatie, pietersielie en roosmaryn saam met die uie en bacon.
  4. Klits die ses eiers en gooi dit ook in die pan.  Trek die eier so bietjie  bietjie weg van die kant sodat dit gaar kan word.
  5. Sprinkel die kaas bo-oor die eierpannekoek.  Dit sal nie heel gaar word van bo nie.  Sit jou oond op rooster(grill) en druk die pan vining onder die element van die oond.

Tog te lekker en baie kan van dit eet.  My kinders heel versadig huistoe met vol magies.

Leave a Reply

Your email address will not be published. Required fields are marked *

*