Groenbone is maklik vir my n maaltyd op sy eie. Dit gee kleur en vreugde aan enige bord kos. Ek maak altyd te veel sodat daar n skeppie kan oorbly vir more se honger. 
- 500 g groenbone
- 60 ml olie
- 2 uie
- 2 knoffeltoontjies
- 250 ml spek ( bacon)
- 2 aartappels in blokkies gesny
- sap van een suurlemoen
- 60 ml worcestersous
- 5 ml fyn neut
- sout en peper na smaak
- 10 ml aromat ( as jy n gewetensbeswaar teen dit het – los dit uit)
- 80 ml botter
NOU:
- sny jou ui in ringe en braai in jou 60 ml olie tot glaserig in n pot of pan bo-op die stoof
- voeg die spek en fyn gekapte knoffel by en braai verder
- sny die aartappels in blokkies soos dobbelsteenjies en sit dit saam met die bone in jou pan.
- geur met al die res van die bestandele behalwe die botter
- nou moet jy proe en byvoeg waarvan jy baie hou
- as jou groen bone sag, maar nie pap is nie, voeg die botter by en roer dit deur
Geniet die groenbone as n bykos of op sy eie. Ek gaan my groenbone vandag eet met rib wat stadig in die oond gebraai is.
Dis nou n lip aflek lekkerte!
Dit lyk bake lekker
Baie lekker. Maak dit en geniet dit.
Probeer dit gerus.
Marinda,
Ek het jou pasta slaai, soos ons dit noem, al hoeveel keer gemaak, mens word net nie moeg vir die smaak nie. Nou wil die “swotters” weet (4 van hulle) of ek dit asb. nie kan bottel nie, want sien ek maak vir hulle jou kerrie ens ens, en dan sit ek dit in foil bakkies en ons vries dit. Nou kan die pasta slaai nie tot daar vervoer word nie, want hulle eet dit op voor hulle by hulle bestemming kom. Sal waardeer as jy my kan laat weet. Gaan jou poffers maak, dit gaan ook saam…..
Liewe Paula
Ek het dit nog nooit gebottel of gevries nie. Wil jy nie vries en kyk hoe dit uitkom nie. Dan laat jy sommer vir my ook weet.
Liefde
Marinda