Kyk, ek is nie mal oor butternutsop nie. Veral nie as dit so n lemoen-smakie by het nie. Jy kry dit gewoonlik by groot onthale, want dis koste-effektief. By ons Fruit&Veg was butternuts vandag op special. So toe besluit ek om sop te maak. Hier is my sop met ‘n skop. Heel heerlik.
- 1 groot ui of 2 klein uie
- 30 ml sonneblomolie
- 10 koppies butternut ( een baie groot butternut of 2 kleintjies)
- 2,5 liter water
- 60 ml hoenderekstrak-poeier
- 30 ml kerriepoeier
- 60 ml chilliepoeier (of so sterk soos jy daarvan hou)
- 250 ml room of 400ml coconut cream
- sout en peper na smaak
- danjablare vir voorsit
NOU:
- sny jou uie fyn en braai in bietjie olie bo-op die stoof
- gooi jou 10 koppies butternut by die uie en braai vlugtig
- in n ander bak meng die res van die bestandele behalwe die danja en die room. Gooi dit by jou uie en butternut en kook. Dit moet saggies borrel.
- kook vir om en by 20 minute totdat die butternut sag is
- gebruik n voedselverwerker of iets soortgelyks en puree alles – as jy dit nie het nie mash dit met jou aartappel masher.
- nou kan jy kies of jy room of coconut cream wil by roer
- proe en geur met sout en peper na smaak
Geniet jou sop met n skop met warm brood en dik botter. Vir opdien kan jy die groen danja-blare bo-op sit.
Dink ek sal baie van die kokusneutmelk daarin hou. Ek gee nogal nie om vir ‘n bietjie mangosap saam met die kerrie in botterskorsiesop nie maar hou ook nie v sitrus nie. Dankie gaan probeer!
Elmarie, die kokosneutmelk gee dit ‘n Thai-gevoel.
Mooi dag.
Marinda
Ek sit ook wortels en patats by vir familie wat nie juis groente eet nie., dis baie gewild in ons huis. Gaan gewis die kokusneut melk probeer
Gaan beslis prober. Dit klink heerlik.
Marinda
Baie lekker resep, ek maak myne ook net so maar instede van die kerrie en chillie poeier, gebruik ek 5ml Neutmuskaat en 1.25ml Peri- Peri . Heerlik! Maar ek gaan definitief volgende keer die kerrie en chillie probeur!!
Vriendelike Groete,
Dit klink heerlik. x
Ek het te veel kerrie in botterpampoen sop gegooi. Wat Kan ek doen.
Marie, daar is min wat jy daaraan kan doen.
Dankie vir die lekker maklike resep!
Ek het (uit gebrek aan genoeg pampoen) patat ook bygevoeg. Sal volgende keer ‘n tweede blikkie klapperroom byvoeg, maar Probeerslag 1 het baie goed uitgekom!
P.S: ek kry so stilletjies lag oor die masher; my nefie het, toe hy klein was, altyd gepraat van die kapokker ;)
Ek weet dit was lekker. Laat die kapokker werk!