Kyk met afval moet jy nie haastig wees nie. Ek het nie die lus of die begeerte om afval skoon te maak nie. Ons Fruit en Veg het hierdie pragtige skoon afval verkoop.
Ek het die vorige aand begin met die kook in die stoompot en net vandag dit klaar gekerrie.
BENODIG:
- 1 klaar skoon afval
- 1/2 koppie bruin druiwe asyn
- 1 suurlemoen se sap
- 1 blikkie kersietamaties of tamatie en uie mengsel
- 40 ml suiker
- 30 ml asyn
- 30 ml kerriepoeier
- 15 ml borrie
- 20 ml jeera ( kan dit uitlos as jy nie het nie)
- 5 naeltjies
- 3 heel kardomynsade
- 1 lourierblaar
- 10 ml mazina
- sout en peper na smaak
NOU:
- sit jou afval, 1/2 koppie asyn, sap van 1 suurlemoen en 2 koppies water in in jou stoompot ( as jy nie een het nie, kan jy dit in n gewone pot doen vir 2 uur)
- kook nou dit in die stoompot vir 1 uur
- in n ander pot braai jou uie tot glaserig saam met die jeera
- skep die afval uit die stoompot en braai saam met die uie vir bietjie kleur
- meng al die res van die bestandele behalwe die mazina en gooi oor die afval in die pot – kook vir 2 uur op lae hitte
- na 2 uur meng die mazina met bietjie water en verdik jou sous van die afval
Heerlik om te eet saam met rys of op n sny brood.
Lekkerder as lekker
Daar is min wat daarvan hou, maar as jy een van hulle is, geniet dit.
Marinda
Dit moet seker die lekkerste afval ooit wees. More tackle ons dit oor die kole.
Ek het altyd gedink my ma se afval was die lekkerste maar moet besgee… hierdie was awesome
Jy maak my hart sing.
Ek gaan defnitief jou resep probeer. My kake trek styf van lus!
Geniet elke happie
M
Dit klink lekker, behalwe die tamaties sal ek uitlaat, dit pas nie vir my by kerrieafval nie (persoonlike smaak). Nerens in die bestandele lys word melding gemaak van hoeveelheid uie nie, maar as jy kosmaak weet jy teen die tyd hoeveel jy kan gebruik, maar vir die beginners wat streng op die lysie afgaan, kan dit n vraag laat ontstaan .
Johan, dankie dat jy loer op my blad. Ek se altyd dat ‘n resep net ‘n basis is en jy kan improviseer na persoonlike smaak.
Groete
Marinda