Coq Au Vin bly een van die lekkerste hoendergeregte wat daar is. Dis nie veel moeite nie, maar kry altyd baie komplimente. Lekker saam met brood of sommer net witrys.
BENODIG;
- 8 hoenderdytjies of 1 heel hoender
- 125 ml koekmeel
- 60 ml botter
- 30 ml olie
- 15 heel klein uitjies
- 1 pakkie bacon/spek ( ek gebruik die klaar gesnipperde bacon)
- 125 ml brandewyn
- 1 bottel rooiwyn
- 5 knofffelhuisies
- 3 takkies tiemie
- 2 lourierblare
- 1 pakkie sampioene
- sout en peper
- pietersielie vir garnering
NOU:
- braai jou spek bruin
- braai die uietjies saam met die spek – as dit bruin is, skep dit uit en hou dit eenkant
- gooi die meel in n plastieksakkie en skud die hoender daarin totdat dit heel bedek is deur die meel
- braai die hoender bruin in dieselfde pot
- gooi die brandewyn oor die hoender en steek dit brand – oppas net vir jou ooghare
- gooi die spek, uie en die res van die bestandele by behalwe die sampioene
- sit die deksel op en laat dit prut vir 60 minute
- sit die sampioene in en laat verder prut vir nog 30 minute
- proe en sout en peper na smaak
Bedien dit op rys en met groente van jou keuse. Om die uie maklik te skil – sit die uie in n bakkie en gooi warm water oor die uie. Laat dit staan vir so 10 minute en die uie skil heel maklik af.
So bietjie Frans kookkuns op jou tafel.
Marinda, dit lyk baie lekker, gaan dit defnitief probeer.
Kleina, dis diep lekker.
Marinda
Heerlike resep Marinda! Mal oor jou blog doe so voort!
Dit bly n randrekker en heerlik.
O my genade, maar dit lyk lekker. Sal dit sommer op my kooklys sit vir die naweek. Vanaand is af-aand. Moreaand genooi vir ete…..
Dankie Marinda.
Een van my gunsteling resepte. Gasn beslis joune probeer. Baie dankie