Ek het altyd my maalvleis voor die tyd saam met my uie en kruie gebraai. Hier by vanjaar se KKNK hoor ek Herman se dat hy sy vleis rou insit in die bak . Was eers half sku om dit so om te doen, maar besluit ek gaan probeer. Ek moet se dit is sappiger. Die vleis bou n eie sousie op en bind wonderlik met die brood en die eier. Van nou af maak ek my bobotie so.
BENODIG:
- 25 ml olie
- 1 ui
- 750g – 1kg goeie maalvleis
- 3 snye brood
- 125 ml melk
- 1 eier geklits
- 80 ml appelkooskonfyt
- 60 ml asyn
- 60 ml matige kerrie
- 30 ml borrie
- 1 appel gerasper
- 2 suurlemoenblare of lourierblare
- sout en peper na smaak
- fyn amandels om bo-oor te sprinkel
BO-LAAG
- 1 eier liggies geklits in n beker met 125 ml melk
NOU:
- braai jou gesnyde ui in die olie tot glaserig
- laat die brood week in die melk en krummel dit in by jou vleis in jou mengbak
- meng al die res van die bestandele in n mengbak behalwe die bo-laag se bestandele, amandels en suurlemoenblare
- meng nou die gaar uie by die vleis
- skep die vleis in n gesmeerde oondbak – moenie dit styf vasdruk nie
- druk die suurlemoenblare half in die vleismengsel
- sprinkel die amandels oor
- gooi die bo-laag oor ( eier en melk liggies geklits)
- bak vir een uur by 180 grade celsius
Geniet jou bobotie met geelrys en rosyne en blatjang. Gestoomde droe vrugte is ook n wenner as bygereg
. Dit bly n tradisionele gereg wat nie uit die mode raak nie.
More smaak die bobotie nog lekkerder.
Koningskos en dit is nog lekkerder die volgende dag. Lyk fantasties!!!
Danie dis eerlike kos uit die hart vir mense vir wie mens lief is.
Marinda
Afval resep asb
Loer hier is ‘n resep vir afval op die blog.