My soettand verlei my dan en wan om iets saam te slaan. Die melktert resep is al lank in omloop in my familie. Wat vebasend is, is dat dit nie te soet is nie – al word dit met kondensmelk gemaak. Hou dit vir ten minste 4 uur in die yskas voor jy dit sny. Tog so lekker!!!!!!!
BENODIG:
- 1 blikkie kondensmelk
- 700 ml kookwater
- 20 ml botter
- 50 ml mazina
- 60 ml koue water
- 2 eiers – skei dit
- 10 ml vanilla ekstrak
- knippie sout
- nou kan jy of die skil van een lemoen of suurlemoen fyn rasper
- 1 pakkie tennis beskuitjies
- kaneelsuiker ( meng dit self: 100 ml suiker gemeng met 10 ml fyn kaneel)
NOU:
- pak die tennisbeskuitjies onder in n bak wat gespuit is met Spray and Cook
- sit die kondensmelk, kookwater, vanilla, sitrusskil en botter in pot en laat dit kook
- intussen meng die sout en mazina met die koue water tot n paste en klits die eiergele by
- klits die wit in n aparte skoon bak tot sagtepunt stadium
- haal die pot van die stoof af en roer die mazina/eiermengsel vinnig by met n draadklitser
- sit terug op die plaat en hou aan klits totdat dit dik raak – dit gebeur vinnig
- NOU: skep n lepel van die mengsel by die eierwit en roer in
- skep nog n lepel by die eierwit
- meng versigtig die helfte van die mengsel by die mengsel in jou pot
- roer die res by
- skep dit op jou tenniskoekies en strooi ruim kaneelsuiker oor
- sit in die yskas vir ten minste vier uur
Ek gee my woord dat jy nie teleurgesteld sal wees nie. Dis sag soos fluweel. Dis asof n wolkie van liefde op jou tong kom le.
Dit lyk baie heerlik ek gaan probeer om dit vir my Tannie se verjaardag vir haar te maak
Dit is heerlik. Geniet elke happie.
Marinda
Lekkerste melktert wat ek al gemaak het. Baie dankie vir die deel
Geniet elke happie
Marinda
Opregte dank so uit my hart, vir jou lekker resepte wat jy met ons deel. Jy is n skitterende stêr en die mooiste, borrelende persoonlikheid.
Liewe Ronel
Dis net liefde. Geniet elke happie.
Marinda
Marinda in jou een melktert resep praat jy van blikkies melk wat is dit Ideal melk? Groete
Nee, as jy die kondensmelk uitgooi, gebruik die blikkie waarin die kondensmelk was en meet jou melk daarin af.