Nou kyk hier het Jenny vir my ‘n ding geleer. Dit is nou een van my gunstelinge terte in die hele wereld.
Konfyttert met beleë cheddarkaas
Course: UncategorisedPrep time
30
minutesCooking time
40
minutesBestanddele
200 g meel
10 ml versiersuiker
100 g botter, yskoud en in blokkies gesny
1 groot eiergeel
10 ml yskoue water
500 ml appelkooskonfyt
Metode
- Sif die meel en versiersuiker in ’n mengbak.
- Vryf die botter met die vingers in totdat dit soos nat sand lyk.
- Klits die eiergeel en yskoue water in ’n beker.
- Maak ’n gaatjie in die middel van die meel en werk die eiermengsel in totdat dit ’n deeg vorm.
- Vorm die deeg in ’n bal en maak toe met kleefplastiek. Los dit vir ten minste 30 minute in die yskas
- Hou ‘n kwart van die deeg eenkant om bo-oor te rasper.Rol die res van die deeg uit op ’n oppervlak wat liggies met meel bestrooi is.
- Sit dit oor die rolstok en laat dit gly in ’n gesmeerde losboomtertpan.
- Druk die deeg vas met die hande en sny die kante af.
- Sit dit weer vir ’n uur in die yskas.
- Bak die tertkors blind teen 190 °C vir 10 minute.
- Smeer die konfyt in die tertkors en rasper die orige deeg bo-oor. Bak vir 30 minute, of totdat die konfyt in die tertkors gestol het.
- Geniet dit met beleë cheddarkaas.
