Hier oor die dae van krismis verwag mens mos maar die onverwagte gas met oop arms en n glas wyn. Met die dat ek besluit om n lasagne te maak en te vries. Dan is dit net vir uithaal en warm maak met n slaai en n vars broodjie daarby. Die resep is genoeg vir 14 mense. As jy minder mense is moet jy net dit halveer.
Lasagne – ou staatmaker
Course: Hoofgereg, RooivleisPrep time
30
minutesCooking time
40
minutesBestanddele
1 ui
4 toontjies knoffel
30 ml olie
1,5 kg goeie maalvleis
1 blikkie tamatie puree
1 blikkie tamatie en uie mengsel
1 houer tamatie paste
1 koppie rooiwyn
2 koppies biefaftreksel
20 ml gemengde kruie
sout en peper
3 takkies tiemie
1 pakkie lasagne velle
- Die kaassous
100 ml botter
100 ml meel
sout en peper
500 – 700 ml melk
1 houer roomkaas
1 1/2 koppie gerasperde kaas
Metode
- Sny jou ui en braai in die olie tot glaserig.
- Voeg die knoffel by en braai nog n bietjie.
- Roer jou maalvleis by en maak dit los dat dit nie klonte maak nie – gebruik n vurk.
- Gooi al die res van die bestandele (behalwe die lasagnevelle) by en nou moet dit kook vir ten minste 90 minute tot 120 minute.
- Jy sal sien die kleur raak so n diep rooi/bruin kleur.
- Vir die kaassous
- Smelt die botter in n pot.
- Roer die meel, sout en peper by met n draadklitser.
- Gooi nou die melk stadig by en hou aan roer totdat dit dik soos vla is.
- Roer die houer roomkaas by.
- Roer 1/2 koppie gerasperde kaas by en prut vir 5 minute.
- Maak die lasagne
- Onder in n oondbak sit bietjie van die kaassous.
- Pak lasagne velle bo-op die kaassous.
- Skep nou van die vleismengsel bo-op die velle lasagne.
- Herhaal die lae en eindig met n kaassous laag. Sprinkel die orige gerasperde kaas bo-op.
Lasagne is koesterkos wat vir baie mense behaaglik laat eet.
Dit lyk heerlik, gaan dit beslis maak en vries. Baie dankie. Mooi dagi vir jou.,💕
Dit is so lekker. Gaan ook maak en vries vir kerstyd. Mooi dag.
marinda
Waarmee kan ek die wyn vervang of kan ek dit net weglaat?
Vervang met 1/2 koppie druiwesap. Geniet!
Baie dankie vir al die wonderlik resepte wat jy met ons deel.
Ek glo hier is sommer baie dames, oud en jonk wat jou waardeer.
Kitty dit is lekker om te kan deel. Geniet elke happie.
Wow so gemaak en het perfek uitgekom, en heerlik geeët.. Dankie baie
Elize ek is so bly. Dankie vir die terugvoer.
Liefde
Marinda
ek moet dit probeer
dankie marinda
Jy moet!
Dankie baie, dit was heerlik! Jou resepte is altyd ‘n wenner.
Bly jy het dit geniet. Altyd ‘n staatmaker.
Marinda, ek kry mense oor Vrydag aand, en ek wil Donderdag aand al die lasagne maak en net in die oond druk Vrydag dan eers met die gerasperde kaas bo oor. Maar hoe maak ek pak ek my lasagne vanaand en los dit vir Vrydag of bak ek dit donderdag en vrydag? hoekom kan my koppie nie nou dit uitfigure nie!!!!
Hi Nadia
Maak nie saak hoe om jy dit doen nie. Ek saal dit klaarmaak en in my yskas sit. Vrydag kaas oorgooi en bak.
Geniet die kuier.
m
Word die velle nie eers in warm water gesit nie en wel hoelank.
Velle kom nie in warmwater nie.
Haai Marinda
Ek is maar amateur kosmaker (ek is n man wat hou van kosmaak)
gebruik ek room kaas of maaskaas?
Jy kan enige een gebruik. Geniet elke happie
marinda
Baie dankie Marinda. Ek probeer elke resep van jou. Ek is ‘n’ou lasagne maker’ maar jou resep met die velle wat bo op die witsous lê is nuut. Ek gaan dit op jou manier voorberei.
Ek hoop dis vir jou lekker
Hi, my 1ste keer dat ek lasagne maak.
Word dit in die oond gebak na alles gaar geprut het en vir hoe lank teen watter temperatuur?
Dankie
Bak in die oond vir 40 minute.
Ek maak nou jou resep hou jou duime vas asb.
Ek hou duime vas – laat weet!
Goeie dag Marinda,
Kan ek dit 2 x herhaal dalk met dinner lae kaas sous en maalvleis met drie lae pasta?
Dit sal net so lekker wees.
Hi Marinda. Hoe lank moet lasagne in oond en op watter grade?
Dankie
180C 40 minute
Heerlike en maklike resep. Het die resep gister gemaak en dit was heel eenvoudig en het heerlik gesmaak. Ek hou daarvan dat daar fotos van al die produkte by die resep ingesluit is. Dit maak dit maklik om die regte bestanddele te koop deur iemand soos ek wat hopeloos in die kombuis is.
My hart sing. Lekker eet!
Ek maak vanaand jou lasagne vir more. Help my asb ek’s altyd versigtig om te veel sout in te gooi. My taste buds is daarmee heen na Covid. Hoeveel sout in ml gooi mens by die vleissous en kaassous. Baie dankie.
Begin by 2,5ml en dan proe jy. Vul aan tot jy daarvan hou.