My Ma se Bobotie
Course: RooivleisPrep time
30
minutesCooking time
40
minutesBestanddele
25 ml olie
1 ui, in klein stukkies gekap
750g – 1kg goeie maalvleis
3 snye brood
125 ml melk
1 eier geklits
80 ml appelkooskonfyt
60 ml asyn
60 ml matige kerrie
30 ml borrie
1 appel gerasper (opsioneel)
2 lourier of suurlemoenblare
Amandelsplinters opsioneel
Metode
- Braai jou gesnyde ui in die olie tot glaserig.
- Laat die brood week in die melk en krummel dit in by jou vleis in jou mengbak – hou die melk vir jou bo-laag.
- Meng al die res van die bestandele in by die vleis behalwe die lourier/suurlemoenblare, amandels , eier en melk.
- Meng nou die gaar uie by jou vleis.
- Sit die mengsel in ‘n gesmeerde oondbak. Moet dit nie styf indruk nie.
- Meng nou jou eier en melk liggies met ‘n vurk en gooi oor die vleis.
- Druk jou suurlemoen/lourierblare in die vleis en sprinkel die amandels bo-oor.
- Bak vir 60 minut by 180C.
Hoeveel porsies uit jou bobotieresep asb Marinda. Dankie.
Ek sal se tenminste 8. Dit hang af hoe groot eters die gaste is.
Hallo Marinda
Wil net hoor by jou, is die 1 eier en bietjie melk wat oorbly van die brood se geweek, nie te min vir n bolaag nie. Dit gaan die bobotie skaars bedek!
Groete
Susan
Middag Susan
Ek druk die melk uit die brood en dan werk dit vir ons. Jy kan enige tyd nog melk en eier meng.
Lekker eet.
Naand Marinda
Kan jy my asb help. Kan ek hierdie bobotie resep van jou nou maak en vries vir ongeveer 2 weke. Hoe hanteer ek dan inden ek kan vries, as ek wil voorsit.
Dankie dat jy met ons deel
Jy kan met groot sukses vries. Haal uit en laat ontdooi en bak in die oond.