Sosaties – maak dit voor die vakansie verby is.

Om jou eie sosaties te maak is n groot heerlikheid.  Dis glad nie moeilik nie en dit bly n wenner by die braai.  Ek het rump steak opgesny, maar jy kan dit met skaapvleis, varkvleis of hoender ook maak.  Probeer dit gerus.

BENODIG:

• sosatiestokkies
• 2,5 kg rumpsteak
• 3 uie
• 1 green pepper
• 2 steranys
• 3 kodomynsade
• 15 ml djeera
• 20 ml borriepoeier
• 60 ml kerrie
• 10 ml fyn gemmerpoeier
• 30 ml olie
• 60 ml suker
• 500 ml asyn
• 125 ml appelkooskonfyt
• 3 suurlemoenblare  – as jy het
• sout en peper
• 250 ml water

NOU:

1. week die sosatiestokkies in water vir omtrent 30 min
2. braai twee uie wat jy in ringetjies gesny het in olie tot glaserig saam met die djeera
3. sny die ander uie  en greenpeper in  stukke en hou eenkant – jy gaan dit saam met die vleis op die stokkie ryg
4. meng die res van die bestandele vir 15 minute en laat dit afkoel  – proe aan die sous.  As dit te suur is voeg suiker by, te soet voeg asyn by.
5. sny jou vleis in netjiese blokkies en gooi in die koue kerriesous.  Laat dit oornag in die sous le.
6. ryg nou vleis, uie, en green peper om die beurt op die stokkie
7. pak in n plastiek/emaljehouer en gooi sous oor.  Laat dit ten minste 1 tot 3 dae in die sous le.
8. braai oor matige kole  – pasop dat dit te gaar raak.

n Sosatie met ‘n glasie koue wyn in die Boland is n wenner.