Gevulde pepers – lekker saam met n slaai

Gevulde pepers of tamaties kom uit my kinderdae.  My ma het dit altyd op n Sondagaand vir ons gemaak.  Wat jy  as vulsel gebruik is wat vir jou lekker is.  Ek het maalvleis gebruik want ons het dit as n hoofmaal saam met slaai geeet.

BENODIG:

• 4 rooi/groen of geel pepers
• 600 g maalvleis
• 1 klein ui fyn gekap
• 2 knofffelhuisies fyn gekap
• 1 tamatie in blokkies gesny
• 125 ml gaar rys
• 20 ml Worcestersous
• sout en peper na smaak
• 60 ml gesnipperde pietersielie
• 20 ml Chutney
• 1 chille fyngekap ( los uit as jy nie van brand hou nie)
• 250 ml gerasperde kaas

NOU:

1. stel die oond op 180 grade celsius
2. sny die koppies van die pepers af, haal die pitte uit en was deeglik onder koue water
3. meng al die res van die bestandele ( meng net die helfte van die kaas in) en vul die pepers met die mengsel
4. plaas in n oondbak en bak met foelie vir 30 minute
5. haal foelie af, sit orige kaas op die vleis en bak oop vir nog 30 minute

Skink vir jou n glasie wyn en geniet die heerlike pepers met n groenslaai en brood.