Gisteraand toe is ek so lus vir die steak dat ek nie kon wag vir die vuur om uit te brand nie. Ek sit toe die riffelpan op die plaat en laat dit goed warm word.
Voor jy dit in die pan sit. Moenie die olie in die pan gooi nie. Smeer die steak in met olyfolie en geur met speserye van jou keuse. Ek het sout en peper en Portugese speserye gebruik.
As die pan goed warm is, sit jy jou vleis in die pan. Moet nou nie karring nie. Die vleis moet nie dunner as 2,5 cm wees nie.
- medium/rare: 4 minute aan ‘n kant (nog baie pienk binne)
- medium: 5 minute aan ‘n kant (pienk binne)
- well done: 6 -7 minute aan ‘n kant (geen pienk, heel gaar)
Draai dit net een keer om.
Nou elke man soen sy vrou soos hy verkies. Nou so ook met jou steak. Ek verkies slaai daarby en my man skyfies. Kies jy wat vir jou lekker is.
