Ek weet nie wat dit deesdae met my is nie. Ek wil vinnig en lekker kos maak. Ek het klomp ryp piesangs in my huis en besluit toe om die broodjie aan te pak. Sy smaak tog te lekker. Wat die broodjie n lekker smaak gee, is die klapperroom in haar. Dis klam en jy proe die tropiese piesangs .
BESTANDELE:
- 6 ryp piesangs
- 500 g bruismeel
- 1 blikkie (400 ml) klapperroom
NOU:
- maak die piesangs fyn in jou mengbak
- roer die meel by
- roer die klapperroom by
- smeer jou oondpannetjie
- bak teen 180 grade Celsius vir 60 minute
Ek het klein bietjie (5ml) fyn kaneel by my broodjie ingeroer. Dit gee dit net n dieper smaak. En moet nie die knippie sout vergeet nie!
Geniet dit met ontbyt , saam met tee of sommer net vir die lekker. So n piesangbrood maak n heerlike brood -en –
botterpoeding.
Jy kan snytjies piesangbrood in eier doop en dit vir ontbyt braai as French Toast.
Sy is so veeldoelig. Geniet dit sommer net met dik botter!
Sjoe maar dit kliñk maklik gaan probeer
Joyce, sag in die mond.
Marinda
Marinda, myne het baie lekker gekom, maar moet daar nie bietjie suiker inkom nie?
Ruby, ek het nie suiker ingesit nie. Gevind die klappermelk en piesangs is soet genoeg. Dit kan geen skade doen as jy so bietjie suiker insit nie.
Groete
marinda
Vir my was dit 100%, maar die huis-mense wou dit bietjie soeter hê. So 150ml of hoe?
So half koppie is reg. x
Dankie xx
Kom daar nie eiers in nie
Geen eiers.
As ek die Piesangbrood se resep in kolwyntjiepannetjies wil bak hoe lank sou die tydsduur dan wees?
Kyk na so 30 minute
Hello Marinda, kan ‘n mens die self-raising flour vervang met coconut flour en dan net so teelepel baking powder insit?
Ek weet nie. Het dit nog nooit probeer nie.