Ek is altyd so bietjie versigtig om brood te bak. Maar ek dink ek het vandag die vrees oorwin. Ek het n perfekte ciabatta gebak en dit was so maklik dat selfs n kind dit kan doen. Heerlik met dik botter of sommer as n slepie om vleissous op te suig. Jy sal n Kenwood of n elektriese klitser nodig he. Die geheim le in die klits , want die gluten moet ontwikkel. Moenie skrik as die deeg pap lyk nie – dis soos dit moet lyk.
Ciabatta – met dik botter
Course: Brood, GebakPrep time
30
minutesCooking time
40
minutesBestanddele
500g koekmeel
500 ml lou water
1 pakkie (10g) kitsgis
5 ml sout
10 ml suiker
Metode
- Voorverhit jou oond op 220 grade celsius.
- Sit al al jou bestandele in jou Kenwoodbak.
- Klits met die K-beater vir 12 minute – staan by die klitser want die klitser dans behoorlik rond.
- Maak toe met kleefplastiek en laat rys tot dubbel die volume (ongeveer 45 minute).
- Spuit n bakplaat met spray en cook en strooi n dik laag meel oor dit.
- Krap die deeg uit op die bakplaat met n deegskrapertjie – vorm dit in n ovaal brood.
- Sit dit in die oond en sit n bakkie koue water ook in die oond – dit maak die kors lekker bros.
- Bak vir 20 tot 30 minute – hou dit dop totdat dit hol klink as jy op dit klop en mooi bruin is.
- Nou eet jy die brood met dik botter of sleep dit deur vleissous.
Tessa, eet jouself blinkbek. Het jy dit gebak?
Groete
Marinda
Hallo Marinda
Het vandag jou Ciabata gebak en dit het perfek gekom en is absoluut heerlik!
Weldone!
Isabel ek is so bly. Ek was altyd skrikkerig vir die vreemde brood maar bak dit ook nou gereeld.
Groete
Marinda
More Marinda, gaan dit goed? Marinda, sourdough brood is een van jou gesondste brood om te eet, maar ek was van die veronderstelling dat dit met broodmeel gebak moet word, is koekmeel nie ongesond nie! Ek koop altyd by Lucky Bread Co in Brooklyn ‘n ciabatta of sourdough brood, ek het een gebak wat nie te sleg was nie maar hy het nie veel rysgate gehad nie, ek neem aan ek sal meer moet vou, jy sal die verskil kan agterkom in die smaak, ek moet hierdie sourdough bemeester want dis nogals duur om so ‘n brood te koop! Marinda waar bly jy? Ek gaan weer die resep wat ek het probeer! Dankie vir jou resepte ek geniet hulle baie!!
Lekker eet. x
Ek gaan die Ciabata probeer ek is bang vir broodbak maar die lyk alom n wenner
Groete uit die Baai
Hallo Marinda
Het vandag jou Ciabata gebak en dit het perfek gekom en is absoluut heerlik!
Weldone!
you’re an absolute genius!!!
dankie!
x
Garth, bak die brood vir jou vrou en skoonma.
Lollie
My mond kwyl behoorlik gaan ciabatta probeer. Ek is opsoek na n quiche kors wat nie n flop is nie ek sukkel om die korse reg te kry. My lemon merinque se merinque bo op is ook pateties Kan jy help asb baie dankie
Volg die volgende stappe om die kors vir verskeie quiches te maak. Onthou net, as dit by deeg kom, is botter die ding.
Die hoeveelhede onder is korrek vir al die resepte en ‘n losboom-quiche-pan van sowat 16 cm
◾ 200 g (360 ml) koekmeel
◾ 100 g (110 ml) botter
◾ 45 ml koue water
Sit meel en botter in voedselverwerker. Meng tot dit soos broodkrummels lyk. Voeg water bietjie vir bietjie by tot dit ‘n deeg vorm. Haal uit en maak deeg toe met kleefplastiek. Laat rus in yskas vir minstens 30 minute
Die resep kom uit Sarie en B. Joubert het dit geplaas.
Baie dki Marinda sal beslis probeer
Ek wil weet of mens nie liewer broodmeel moet gebruik in plaas van koekmeel nie?
Ek is nogal ‘n ou hand as dit by broodbak kom, die probleem is net dat brood gladnie meer na brood smaak nie. Die laaste keer wat brood nog na brood gesmaak het, was toe ek so 9/10 jaar gelede in Amerika by ‘n klein “take-away” eetplekkie ‘n “sub” gekoop het. Dit was die outentieke geur van brood waaraan ek gewoond was in my kinderjare.
Ek dink dit het alles te doen met die feit dat die meeste saad deesdae geneties gemodifiseer word.
Pieter, ek kan nie sien hoekom nie. Laat my weet of jy dieselfde resultaat gekry het.
Marinda
Hallo Marinda. Wat doen ek as ek nie n elektriese menger het vd Ciabatta brood nie?
Vriendin, dan sal jy dit met jou houtlepel lekker lank moet roer. Dit moet mooi bymekaarkom.
Hi Marinda
Jou Ciabatta resep is nr 1, baie dankie
Ek soek na ‘n maklike vetkoek resep soos my ouma dit gemaak het lig en met daai groot rysgate. Help asb🙏🙏
Sal opsit. Bly jou broodjie kom lekker uit.
Hi Marinda ek het Sondag vir die eetste keer jou Ciabatta brood gebak dit is beslis die moeite werd gewees. Kan ek bruinbrood meel gebruik? Of moet ek dalk helfte wit en helfte bruin gebruik? Kan ek bv rosyne of sade ook inwerk?
Jy kan dit beslis probeer
Hy Marinda, ek wil graag jou Ciabatta bruid maak, maar ek het net ‘n elektriese hand klitser?? Help asb
Dankie
Marlene
More Marlene, jy kan met jou hand dit doen, maar sjoe jy sal iemand moet kry wat halfpad kan oorneem. . Die gluten moet net lekker ontwikkel
Hi Marinda. Ek dink jy is wonderlik.!!! Het al jou tv programme gekyk. Kan nie wag om jou boek te koop nie. Het dit nog nie raakgesien op winkel rakke nie. Ek het vandag jou Ciabatta broodjie gebak. Ek was so verras dat ek, wie nie eintlik n bakster is nie, sò broodjie uit die oond kon haal. Ek en my man het sommer dadelik met dik botter en tuisgemaakte suurlemoen marmelade van n vriendin n paar snye verorber. Heerlik …. gaan hom weer bak met warm sop inni winter.
Lynette, jy maak my hart sing!!! Geniet hom snytjie vir snytjie.
Marinda jou brood lyk heerlik. Ek nou al 2 Kerr gebak maar sy Reis gate is nie groot nie….lyk meer soos gewone brood. Ek gebruik my Kenwood MAJOR TITABIUM met K Beater hy is n ronde tipe met hak Effek. Sien joune is plastiek meer soos jou gewone koek een. Nou weet ek nie. Kan dit gebeur sien ek vat 10gr suurdeeg op 4 kop meel…..
Middag
Ek is nie seker hoekom dit gebeur nie. 1 pakkie gis op 4 koppies meel is reg.
groete
Marinda
Hi daar!
My deeg het baie styf uitgekom – ek het 4 koppies meel en 2 koppies water gebruik. Wat doen ek verkeerd?
Die resep se 500g meel. Het jy dit so afgeweeg? Ek bak dit baie keer, nog nie die probleem gehad nie.
Hoe kry ek jou blog elke maand?
Hi Dirkie
Gaan “like” my fb blad Marinda Kook
Groetnis
Hi Marinda
Jou broodjie is so maklik en heerrrlik! Dis nou koning!!!!
Groetnis
Geniet!!!!!!!!!
Hi Marinda,
Waar kan ek jou resepteboek te koop kry?
Dankie
Marlyn.
More
Die boek is tans uit druk. Hou jou ophoogte
Groete
Marinda
Hi Marinda
Stel jy die menger op laag of hoog?
Watter nommer stelling gebruik jy?
Help asseblief, hoor graag van jou.
Goedheid en guns.
Gx
Ek hou my oog op die menger. My menger het al van die tafel af gedans. Ek hou dit op so medium.
Dankie. Goedheid en guns. Gx
Hoop jy het jou eie botter geniet.