By nou weet almal al dat ek op n Maandag net vinnig wil kos maak. Ek het n klomp wortels by Fruit en Veg gekoop en besluit om die wortelbredie met donker bier (Guinness)te maak. Die bredie het sag af gegaan en gevra vir meer en meer en meer ……….
BENODIG:
- 2 kg rooivleis – ek het brisket en kortrib gebruik
- 1 guinness bier
- 1 blikkie tamaties
- 500 ml aftreksel ( stock) ek het aangemaak uit n houertjie
- 5 naeltjies
- 8 groot wortels
- 4 aartappels
- sout en peper
- 60 ml asyn
- 1 ui
- 60 ml olie
- 80 ml worcestersous
NOU:
Sny die uie in ringe en braai liggies in die olie
Sny die vleis in blokkies en braai bruin saam met die uie.
Sny die wortels in ringetjies en die aartappels in blokkies en gooi by die vleis
Gooi die blikkie tamatie by die vleis
Meng die res van die bestandele en gooi by.
Nou moet die bredie tydsaam prut tot dit sag en gaar is. Proe deurentyd en gooi by wat jou tong vra.
Dis heerlik. Jy kan die sous verdik met Bistro of mazina as jy so voel. Ek het dit met rys bedien. Die volgende dag smaak die bredie eintlik nog lekkerder!
Ek vrek oor kosmaak en lekker straight forward resepte. Dankie vir jou blog. Ek is ma van een 10 jarig en n lekkerbekmansmens. Ek self is n ou smulpaap😜
Kooklekker kos!!!!