Amanda het so baie van die lamsribbetjie gehou dat sy met ’n barakat huistoe gevlieg het. Ek dink die persoon wat langs haar op die vliegtuig gesit het, moes wonder oor die lekker reuk wat uit haar handsak gekom het.
Lamsribbetjie in die oond
Course: UncategorisedPrep time
30
minutesCooking time
40
minutesBestanddele
- Bestanddele vir vooraf kook tot net sag
2 kg lamsrib
’n paar stukkies vars gemmer, geskil en gesny
1 botteltjie Savanna-appelsider
90 g bruinsuiker
2 steranyse
2 kaneelstokkies
sout
2 liter vleisaftreksel
- Bestanddele vir die gaarmaak van die marinade
1 bottel Savanna-appelsider
skil van 1 suurlemoen
250 ml bruinsuiker
60 ml vars gemmer, gerasper
30 ml Chinese speserye
125 ml heuning
60 ml sojasous
10 ml fyn komyn
’n knippie sout
Metode
- Meng al die bestanddele en kook vir een uur totdat die vleis net sag begin word.
- Dreineer en hou die rib eenkant.
- Meng al die bestanddele vir die marinade saam.
- Sit die rib in die sous en marineer oornag of vir ten minste 2 ure.
- Verhit die oond tot 190 °C.
- Sit die rib met die marinade in ’n oondpan.
- Bak die ribbetjie tot sag en totdat die sous klewerig raak.
Hallo Marinda
Chinese spesery!
Het geen idee, kan jy my dalk meer inligting stuur hiervan Asb!
Jy kry dit by chinesewinkels, maar jy kan dit regtig uitlos en net lekker komyn en koljander oorgooi.