Dis asof die koue tot in mens se bene sny. So wat n beter manier as om van binne warm te word. Die sop is werklik maklik en gou om te maak. Watter kaas jy bo-op krummel , is jou keuse.
BENODIG:
- 1 ui
- 2 koppe brokkoli
- 60 ml botter
- 1,5 liter aftreksel ( ek het 2 blokkies gevat en met 1,5liter kookwater gemeng)
- 2,5 ml neut
- sout en peper na smaak
- 250 ml room
- 1 driehoek bloukaas of cheddarkaas of feta ( hang af waarvan jy hou)
NOU:
- sny die ui in ringetjies en braai in die botter
- was jou brokkoli af en breek in kleiner stukkies – roerbraai so bietjie saam met die uie
- los die aftrekselblokkies op in die warmwater en gooi oor die brokkoli
- laat dit net stoom tot sag – nie papkook nie
- geur met neut, sout en peper
- maak dit fyn in n voeselverwerker of met n blenderstok
- gooi terug in die pot en roer die room deur
As jy dit bedien, krummel die kaas van jou keuse oor en geniet dit met n sny warm brood.
Sjoe net die regte ding vir die koue. Dit lyk heerlik
Joyce ek stem.
Dit is sop met n hoofletter. Baie baie lekker!!!!
Dit val diep Danie.
Hierdie reseppie gaan werk vir Winter van 2024
Dit bly my familie se gunsteling
Fantasties!
Heerlik!!!!!!