Maklike Suid-Afrikaanse Resepte
Kyk Sandra het styl. Toe sy vir my vra om ’n doodgewone diepgebraaide vis te maak, toe weet ek dat ek sal moet uithaal en wys. Dit is moeilik om regtig crispy vis te kry. Ek het die geheim ontdek! Lees mooi!
Ek het as kind met hierdie sjokoladebondeltjies groot geword en half vergeet van dit. Hier bring Carmen Niehaus dit tafel toe en bring mooi herinneringe saam. Die resep maak so 40 klein bondeltjies. Die vrugte-yskasblokkies behoort ook aan Carmen Niehaus. So ’n lekker iets vir die kosblik. Die resep maak […]
Jy kan menige mens in ’n wip vang met die tert. Ek het vir Koos Kombuis in my wip gevang. Gebruik ’n losboomtertbak – die resep behoort aan Mari-Louis Guy en is ’n wenner.
Ek en Koos het saam gekook met ons Crocs aan. Niemand was daar om ons te spot oor ons Crocs nie. Wat ‘n lekker en gemaklike kook! Al is jy nie vegetaries nie belowe ek jou dat jy beslis van die frikkies gaan hou. Sarietha die een is vir jou en Josh.
Die poeding is een van my kinders se gunstelinge. As jy nie croissante het nie kan jy dagoud brood gebruik.
As ek soos Min kan ouer word dan sal ek ’n gelukkige vrou wees. Vroulik, mooi en skerp is sy. Dit was so ’n groot eer om vir haar te kon kook.
Wie is nie lief vir ‘n suurlemoenpoeding nie? Wys my daai een. Altyd ‘n wenner.
Vir Pieter het ek glad nie geken nie maar ek het ’n behoefte gehad om saam met die man te kook. Hy vra toe vir Breyani. My senuwees was bietjie op, maar dit was alles verniet. Hy het hom opgehang aan die kos.
Ek het die roomys vir Amanda Strydom gemaak en ek dink as sy van dit kon inpak en saamneem op die vliegtuig dan het sy!
Wie hou nie van ‘n aartappelslaai nie? Wys my daardie persoon! Altyd ‘n wenner op die tafel.
Hierdie is geen fênsie kookblog nie. Dis sommer net ‘n eenvoudige webwerf sodat my kinders en hulle vriende en hulle vriende se vriende kan leer kook. Sodat hulle my nie so baie hoef te bel om te hoor: hoe maak mens… nie.
