Maklike Suid-Afrikaanse Resepte
Hierdie hoenderlewertjies stel nooit teleur nie ‘n Ou gunsteling.
Ek en Toks van der Lidne kom ’n langpad saam. Hy is ’n ongelooflike positiewe mens. Om vir hom terug te neem na sy ma se boontjiebredie op Stoofstories met Marinda was ’n groot eer.
Vir Lize Beekman het ek een van ons gesin se gunstelinge gemaak. Dit klink na baie werk maar dit is nie.
Kyk Sandra het styl. Toe sy vir my vra om ’n doodgewone diepgebraaide vis te maak, toe weet ek dat ek sal moet uithaal en wys. Dit is moeilik om regtig crispy vis te kry. Ek het die geheim ontdek! Lees mooi!
Ek en Koos het saam gekook met ons Crocs aan. Niemand was daar om ons te spot oor ons Crocs nie. Wat ‘n lekker en gemaklike kook! Al is jy nie vegetaries nie belowe ek jou dat jy beslis van die frikkies gaan hou. Sarietha die een is vir jou en Josh.
As ek soos Min kan ouer word dan sal ek ’n gelukkige vrou wees. Vroulik, mooi en skerp is sy. Dit was so ’n groot eer om vir haar te kon kook.
Vir Pieter het ek glad nie geken nie maar ek het ’n behoefte gehad om saam met die man te kook. Hy vra toe vir Breyani. My senuwees was bietjie op, maar dit was alles verniet. Hy het hom opgehang aan die kos.
Amanda het so baie van die lamsribbetjie gehou dat sy met ’n barakat huistoe gevlieg het. Ek dink die persoon wat langs haar op die vliegtuig gesit het, moes wonder oor die lekker reuk wat uit haar handsak gekom het.
Afvaleters is ‘n groep op hulle eie. Jy hou van afval of jy kan dit nie weerstaan nie. Peter Veldsman wou vaal afval gehad het e nek het dit vir hom gemaak. Ek kon vir hom ook iets leer van afval . hy het al die orige afval huistoe geneem.
Jenny is my engelse suster. Ons lag oor dieselfde goed, ons hou van dieselfde goed en ons vrek oor kosmaak. Dit was so ‘n fees om my kombuis saam met haar te deel.
Hierdie is geen fênsie kookblog nie. Dis sommer net ‘n eenvoudige webwerf sodat my kinders en hulle vriende en hulle vriende se vriende kan leer kook. Sodat hulle my nie so baie hoef te bel om te hoor: hoe maak mens… nie.
